- Publika iha: 22 Dezembro 2014
Organizasaun Luta Hamutuk (LH) husu ba governu atu halo investigasaun ba kompania ne’ebe kaer projetu emergensia iha kapital Dili, tanba projetu emergensia halo to fulan tolu deit maibe kompania halo besik to tinan ida.
Diretor Luta Hamutuk, Mericio Akara, hateten projetu emergensia hadia estrada, trotoar, bee dalan no jardin sira iha kapital Dili ne’e prepara ba eventu ximeira Comunidade dos Paises de Lingua Portuguesa, maibe to agora seidauk hotu.
“Kompania ne’ebe kaer projetu emergensia ne’e tenke hetan sansaun husi governu, para aban bainrua labele akontese tan hanesan ne’e,” Diretor NGO LH, Mericio Akara sujere, iha Dili.
Tuir nia, projetu balun hotu duni, maibe laiha kualidade tanba la tuir deadline ne’ebe mak governu fo.
Nia dehan, ida ne’e tanba failansu mekanismu husi supervisor husi governu nian ne’ebe ladun halo kontrolu ba projetu hirak ne’e.
“Ministeriu obras publiku tenke hatun nia ekipa para haree kontraktor ne’ebe mak la servisu ne’e sai tiha kedas no la tuir deadline mos hasai tiha,” nia sujere.
Iha parte seluk Deputadu Eladio Faculto, hateten Parlamentu Nasional foti bebeik ona kestaun ne’e, tanba konsidera estraga osan estadu nian deit.
“Governu gasta osan deit, mais projetu la fo kualidade ba ita, tanba lahatene kontrolu,” nia dehan.
Tamba kompania agora halo hotu aban governu ba sobu fila fali tamba laiha nia koalidade loron kalan governu hadia deit iha capital dili maibe iha distritu nee governu nunka tau matan ba to agora nee iha capital dili sobu hadia-sobu hadia bainhira mak dezemvolvimentu nee lao ba oin.
Lolos nee governu foti medidas sobu projeitu laiha koalidade nee servisu foin mak to fulan tolu bele sobu ona, la bele to tinan servisu hotu mak sobu nee ita gasta osan deit nee distritu bainhira mak hetan dezemvolvimentu iha suku, capital dili mos dezemvolvimentu seidauk lao los tamba hadia hotu sobu fila fali.
Iha parte seluk Xefe Suku Santa Cruz Manuel Correia hatutan katak, projeitu emergensia nee halo la hotu tamba ita nia rekurso humano mak menus komesa husi planeamentu tamba ita laiha planu neebe logu prasu, krutu prasu, meiu prasu, urugenti no emergensia.
Tamba sasan sira mosu emergensia deit laiha planu neebe realidade la hotu duni la bele obrimalu tamba fasildade menus, hanesan logo prasu fo projeitu nee nia kalendirio iha para to nia prasu nee tenki hotu para projeitu neebe mak urgente no projeitu neebe mak emergensia.
