Sexta, Março 29, 2024
Total visitors: 766366

Partisipasaun Feto Iha Lideransa Suku tinan 2023 Tun Ba 4%

Published: Março 23, 2024
Dadus ne’ebé fó-sai husi Fundasaun Alola (FA) indika katak partisipasaun feto iha lideransa suku...

Pasiente HIV-SIDA Na’in 449 La Tuir Tratamentu Saúde Antiretrovial

Published: Março 22, 2024
Tékniku Superior Planu no Monitorizasaun husi Instituto Nasional Combate HIV-SIDA (INCSIDA, IP),...

MS: HIV-SIDA Kontinua Amenta Iha Teritorio Nasionál

Published: Março 18, 2024
Ministerio Saúde (MS) fo sai katk identifika kazu virus HIV-SIDA foun iha Timor-Leste, iha tinan...

ANCI-TL Tenke Kondena Mos Mane Iha Prosesu Ba Kazu Soe Bebe

Published: Março 11, 2024
Diretór Aliansa Nasionál Kombate Crime Infanticidio Timor-Leste (ANCI-TL), José Turky husu...

Kliente TT Sei Simu Informasaun Previzaun Tempu no Risku Dezastre Rutina

Published: Março 11, 2024
Sekretariu Estadu Protesaun Sivil, liu husi Autoridade Protesaun Sivil (APC), asina protokolu...

Engenheira 50 Resin Halao Servisu Hare Projeitu Fisiku Iha Treinu

Published: Março 09, 2024
Ministru Obras Públika, Samuel Marçal rekoñese servisu engenheira sira nian hare no monitoriza...

Livru foun ne’e sei focus kona ba kontribuisaun Luta foinsa’e nian ba liberatasaun national.

Governu liu husi Sekretariadu Estadu Joventude no Desportu (SEJD) hahu forma ekipa no eskritorio ida hodi halo peskiza no hakerek livru. 

Sekretario Estado Joventude e Desportu,, Leovigilio da Costa Hornai hateten ekipa ne’e sei hahu servisu koleta informasaun no evidensia iha fulan Novembru tinan ne’e (2016). 

Nia hateten, organizasaun estudantil sira no individu balun hasai ona livrus balun kona ba luta foinsa’e nian maibe informasuan husi parte balun deit. 

“Ita seidauk hatuur lolos istoria sira ne’e iha ita nia dokumentu or livru ida lolos,” nia hateten iha salaun SEJD Dili.  

Nia rekonese, katak iha ona livru balun ne’ebe hakerek husi matenek nain sira kona ba istoria luta povu Timor –Leste nian ba libertasaun nasional, maibe seidauk iha livru espesifiku ida ba luta foinsa’e nian. 

Livru ne’ebe governu inisia hakerek ne’e, nia hateten komprensivu liu –liu kona ba partisipasaun foinsa’e nian ba luta iha frente oioin to’o mai iha 12 Novembru 1991.

Foinsa’e atus ba atus lakon sira nia vida bainhira Militar Indonesia sira tiru hasoru durante demostrasaun iha Igreja Motael ba simeterio Santa Cruz.   

Nia informa, ekipa eskritorio ne’e sei kompostu husi akademikus inklui autor sira ne’ebe sei moris, tanba sira iha responsabilidade atu hatete istoria ba jerasaun foun sira ikus ne’e. 

“Aban bainrua rai iha eskola, no profesores historia sira uza hodi hanorin fali ita nia oan sira liu –liu luta foinsa’e nian,” nia hateten. 

Kona ba mandatu VI governu ne’ebe besik remata ona, nia dehan importante tenke inisia ona no governu foun bele kontinua prosesu to’o livru ne’e pronto. 

Entretantu Membru Parlamentu Angelina Rangel, hateten ne’e responsabilidade governu nian atu transforma istoria ba jerasaun foun sira liu husi produs livru istoria kona ba povu nia luta ba libertasaun national. 

Nia dehan, parlamentu apoia inisiativa ida ne’e no promete sei aprova karik governu propoin iha orsamentu jeral annual governu nian. 

“Ema hotu luta ba libertasaun, maibe foinsa’e mak sempre hamrik iha oin halo demonstrasaun hasoru inimigu sira,” nia hateten. 

Hanesan mos sobrevivente Masakre Santa Cruz, nia hateten autor balun kontan ona istoria luta iha publiku, maibe seidauk kompletu,  presiza halo kompletu tan. 

Nia hateten, governu tenke aselera duni prosesu ida ne’e tanba autor luta barak mak mate ona e balun sei moris, importante halo intervista ho sira kona ba istoria ne’ebe lolos. 

Nia espera, inisiativa ida ne’e bele susesu no produs duni livru historia ne’ebe lolos ba iha luta foinsa’e sira nian ba libertasaun nasional.