Volume asidente trafiku ki’ik liu durante kampanha

Desde hahu to’o remata kampanha Partidus Politiku (Parpol) sira ba eleisaun lejislasaun nian la’o ho diak, tanba asidente trafiku ne’ebe rejista iha Tranzitu Nasional durante prosesu kampanha ki’ik liu, kompara ho kampanha eleisaun prezidensial nian.
“Asidente hamutuk lima, asidente rua iha Distritu Liquisa rezulta kanek kma’an, depois rua iha Distritu Dili no rejulta kanek kma’an, no ida iha Distritu Oe-Cusse ne’ebe rezulta ema ida mate,” informa Komandante Tranzito Nasional, Superintendente  Antonio L.C. Soares, iha Kaikoli, Dili.

Tuir nia, ne’e progresu diak ida, tanba asidente iha kampanha prezidensial barak liu kompara ho agora ne’e, e ida ne’e mudansa ne’e ne’ebe diak.

Entertantu Deputada Josefa Alvares Soares katak, ida ne’e hatudu katak komunidade ka povu iha ona konsiensia hodi tuir kampanha ho formadu.

“Komunidade sira tuir kamphania ho teratur, tuir regras tranzitu nian no respeita malu e mos tanba hetan kontrolu mos husi ita nia PNTL sira,” dehan Deputada Soares.