- Publika iha: 03 Novembro 2011
Maske ligasaun ilegal ba eletrisidade nudar krimi ida realidade hatudu katak iha kaptial laran sei iha membrus komunidade barak mak sei nafatin halao pratika ida ne’e maibe tuir Membrus Parlamentu balun Polisia Nasional PNTL tenki halo investigasaun hodi lori ba tribunal sira nebe horas ne’e dadauk uza eletrisidade nafatin ho maneira ilegal.
“Ne’e krime, durante ne’e hau seidauk rona ema halo ligasaun ilegal lori ba Polisia halo investigasaun, seidauk rona ida,” hateten Deputadu Aniceito Guteres, FRETILIN, semana (13/10), iha Parlamentu Nasional, Dili.
Deputadu Guterres hateten tan katak atu evita ligasaun illegal Governu tenki presija halo asaun ida konkreta. “Halo aprosimasaun deit ema halo abuza demais.”
Entertantu Sekretariu Estadu Januario Pereira, Sekretaria Estadu Eletrisidade, Agua no Unbanizasaun (SEAU) hateten katak kona ba ligasaun ilegal nebe mak kontinua lao nafatin, ekipa husi SEAU Diresaun Eletrisidade kontinua ba desliga ligasaun ilegal sira ne’ebe sira hetan.
“Ami buka oinsa para implementa diak liu tan para atu bele ita hotu hamutuk bele minimiza kondisoens ilegais sira,” hateten SE Pereira.