- Publika iha: 11 Julho 2011
Tuir Adjuntu Komandante Servisu Polisia Imigrasaun (SPI),Inspektur Xefe Luis Barreto, katak SPI laiha kompetensia atu halo pasa revista ba sasan imigrante sira tanba lei la autoriza.
Nia hato’o kestaun ne’e relasiona ho aimoruk droga ne’ebe ohin loron sirkula iha rai laran tanba SPI la halo sira nia servisu ho diak.
“Problema ba ami atu halo pasa revista ba droga lei la autoriza e ida ne’e knar Unidade Investigasaun Criminal nian, sira mak bele halo investigasaun enkuantu atu halo pasa revista ba imigran sira nia pasta ne’e kompetensia Alfandega nian, “hateten Inspektur Xefe Lusi Barreto, semana kotuk iha Vila-verde,Dili.
“Ami so iha kompetensia atu cek deit sira nia dokumentus viajen nian hanesan pasaporte no visa,”nia dehan.
Maibe bainhira parte investigasaun criminal identifika katak iha ema estranejiru mak hatama aimoruk droga mai TL “Ami sei halo prosesu abandona voluntariu ou bele mos halo deportasaun wainhira tribunal deside atu deporta,”nia hateten.
Iha parte seluk, tuir fontes konfirmadu Servisu Investigasaun Criminal (SIC), rekonese katak iha duni aimoruk droga barak mak sirkula iha kapital Dili maibe policia labele kaptura tanba sira sirkula ho subar.
Entretantu bainihra jornalista tenta at konfirma asuntu ba iha Komandante Servisu Investigasaun Kriminal (SIC) maibe la konsege tanba laiha fatin.
