- Publika iha: 07 Setembro 2011
Tribunal Distrital Dili hamonu pena tinan 15 prizaun ba arguido ES hasoru lezada GDS ne’ebe mak sei idade 15 momento akontesemento .
“ Tribunal sira kontinua hatudu progresu bo’ot iha kontestu luta hasoru violensia kontra feto ka violensia bazeia ba jenero sira ; ne’e pasu signifikativo tebes iha setor justisa ne’ebe ita hotu merese atu apresia no kongratula dezempenho ida .” hateten Director Judisial sistem monotoring programme ( JSMP) Luis De Oliveira Sampaio iha nia knar fatin Colmera Dili
Aleinde prosesu ida ne’e la ses husi esforsu Ministerio Publiko ne’ebe konsege rekolha no aprezenta provas hotu -hotu relasiona ho kazu ne’ebe mak ikus mai bele konvense Tribunal hodi hamonu pena ne’ebe mak merese no realistiku ba arguido.
“Pena ne’ebe mak Tribunal kondena ba arguido refleta sinsebilidade autor tribunal ba kazu krime sira kontra feto ,liu liu krime kontra menor idade .Ami mos espera katak ho pena ne’ebe mak hamonu ba arquido sai hanesan meios ida mos atu educa ita nia sosiadade hodi hado’ok a’an husi hahaok violensia liu liu Violensia seksual hasoru feto .” nia informa
Bazeia ba faktus ne’ebe mak produ durante julgamentu ba kazu ida ne’e provadu katak arguido komete duni aktu Violensia seksual hasoru lezada ho hahalok hanesan , lori lezada ba iha kuarto laran hodi hasai hotu lezada nia roupa no halo violasaun seksual hasosu lezada .
Iha parte seluk Virginia Ana Belo nudar membru Parlamentar komisaun C ne’ebe toma asuntu kona ba eliminasaun pobreza ,dezenvolvimentu rural e regional egualidade de jenero hateten katak desizaun tribunal desizaun ne’ebe a’as tebes iha Timor laran tomak
“ Ida ne’e justu tamba hakarak ka lakohi vitima ho idade minor impaktu bo’ot ida ba ninia vida futuru ba oin . Labarik feto ida kuando hetan ona Violasaun seksual laos lakon deit” ninia virginalidade mak lakon maibe nia futru ba oin mos nia tenki moe durante nia moris tomak . Ida ne’e mos bele impata ninia estuda bele mos impata buat hotu hotu .”Nia informa
Virginia reforsa tan katak saida mak tribunal hamonu ba arguido violasaun seksual ne’e justu maibe fo mos oportunidade ba arguidu atu bele hanoin no mos bele hato’o fila fali ninia rekursu tuir ninia advogadu oinsa bele hare fali ninia hahalok ne’e justu ka lae .
“ Saida mak Tribunal halo ne’e justu tenki halo duni hanesan ne’e ba arguido hotu hotu ne’ebe iha relasaun ho violasaun seksual hasoru feto sira ne’ebe idade minoridade .” nia husu.
