- Publika iha: 19 Junho 2012
Atu asegura eleisaun lejislasaun bele la’o ho diak sein konflitu, Polisia Nasional Timor-Leste (PNTL) sei hatun nia membru sira hamutuk 2.715 personal.“Iha planu inisial husu 2.500, maibe ohin informasaun ikus iha tan rekizitu extra hodi aumenta tan ba 2.715 membrus,” dehan Komandante Jeral PNTL, Komisariu Longuinhos Monteiro (05/06) iha Kaikoli, Dili.
Tuir nia, iha eleisaun Prezidensial segundu ronde, PNTL hatun nia membru hamutuk 2.500 personal deit.
Entertantu Membru Komisaun B Parlamentar, Deputadu Paulo Fatima Martins, katak aumenta numeru personil ba preparasaun eleisaun parlamentar, ne’e jestaun ne’ebe diak, nune’e bele responde kualker situasaun iha baze.
“Hau fiar katak PNTL bele asegura seguransa iha rai laran tantu durante prosesu kampanha to’o eleisaun Parlamentar,” Deputadu Martins esperansa.