Domingo, Fevereiro 25, 2018
Total visitors: 197063

Temperatura globál sira hasai foin kedas. Sistema saúde sira tenke adapta.

Dr Poonam Khetrapal Singh Diretór Rejionál, Organizasaun Mundiál Saúde Rejiaun Sudeste Ázia

Alterasaun klima nian hala’o agora. Tinan sira mak foin liu bá, temperatura sira iha mundu tomak aumenta ona, ho impaktu maka'as ba rekursu importante liu husi ema sira - ambiente. Sistema bee sira sujeita ba tensaun. Fonte fó-han sira tau iha perigu. No área sira ne'ebé uluk sai metin atu bele hela foin daudaun sujeita ba ameasa no halakon.
Implikasaun ba saúde husi ema sai barak. Alterasaun klima nian aumenta dala hira no kbiit husi eventu klima estremu sira hanesan anin-fuik no rai-nabeen, no hasai maka'as risku saúde públika sira besik hotu, inklui moras ho orijen hahán nian, han-aat no loro-kona. Fó impaktu tanba habelar no aumenta fatór sira ne'ebé hamosu moras sira hanesan susuk sira, nune'e bele hamosu fali moras sira ne'ebé uluk mak iha, hanesan tifu no manas-denge. No ne'e mak bele fó orijen ba rezultadu sira ne'ebé tau saúde públika iha risku liu husi maneira ida ka oin-seluk: Tanba nível tasi aumenta ka tempu-maran sai naruk, komunidade sira tenke troka hela-fatin; rekursu sira ne'ebé ki'ikoan bele fó orijen ba laran lametin no sala malu; no agrikultura ne'ebé prodús menus bele aumenta no haklean moris-kiak.
OMS husi Rejiaun Sudeste Ázia sai vulneravel tebes. Tinan sira mak foin liu bá, rai 11 mak Membru sira Rejiaun ne'e nian - sira hotu ho rendimentu ki'ik ka médiu - hasouru dezafiu sira husi saúde públika ne'ebé liga ho eventu no prosesu sira klima nian, inklui bee-inan tun, anin-fuik sira no liña-raat sira ne'ebé hakuak neineik. Situasaun sira ne'e no seluk tán bele aumenta maka'as konforme temperatura globál mós aumenta. Entretantu, prejuízu ekonómiku sira ne'ebé liga ho alterasaun klima nian afeta ona ambisaun sira dezenvolvimentu nian husi ema milaun sira Rejiaun nian, no ninia kapasidade atu garante saúde no bein-estar. Konforme Objetivu Dezenvolvimentu Sustentável sira mak subliña, saúde mak determina no mós sujeita ba moris-kiak no kondisaun sira mak korresponde.
Maske problema atu hapara no fila alterasaun klima nian ba kotuk la depende ba esforsu husi rai ida de'it, atu hamenus impaktu ba saúde sai buat ne'ebé rai hotu bele no tenke halo. Liu husi Rejiaun, sistema saúde sira tenke haree uluk, hatán ba, trata, rekupera husi no adapta ba xoke no tensaun sira ne'ebé klima mak hahoris, no halo ne'e hodi aumenta igualdade saúde nian no garante katak ema buat ida husik-lerek. Iha dala barak atu halo ne'e.
Importante liu atu aumenta koñesimentu no hakotu atu halo buat ruma. Iha rai Membru ida-ida husi Rejiaun, autoridade saúde sira tenke hatene kona-bá risku saúde sira ne'ebé sira hasouru no relasiona ho espesífiku ho klima no halo planu nasionál sira konforme ne'e. Iha momentu hanesan, tenke kolabora ho ministériu prinsipál sira no garante katak preokupasaun saúde sira mak relasiona ho klima sei trata liu husi polítika sira oioin.
Prestasaun serbisu husi sistema saúde sira mós tenke avalia no aumenta. Ne'e bele inklui integrasaun husi informasaun metereolójiku ho programa saúde relasiona ho klima hodi bele haree nanis moras sira. Ne'e bele inklui hadi'ak diminuisaun husi risku dezastre sira no preparasaun hasouru emerjénsia hodi bele jere di'ak liu ameasa husi eventu klima estremu sira. Ne'e mós bele inklui atu aumenta kapasidade téknika no profisionál husi staff saúde sira hodi prepara di'ak liu no trata rezultadu sira saúde nian ne'ebé relasiona ho alterasaun klima nian.
Infraestrutura no teknolojia ne'ebé reziste klima bele oferese buat barak. Purezemplu, instalasaun saúde hotu tenke implementa planu kontinjénsia sira hodi garante katak serbisu esensiál sira hanesan bee, saneamentu no eletrisidade sei mantein karik eventu klima estremu sira hamosu. Hanesan ne'e, tenke planeia instalasaun foun sira no tau no harii sira konforme risku sira klima nian ne'ebé bele haree nanis hanesan udan boot no anin-fuik. Teknolojia sira ne'ebé fó-hatene uluk kona-bá eventu klima estremu sira tenke integra ba sistema sira preparasaun emerjénsia nian, enkuantu tenke hetan no utiliza sistema komunikasaun móvel mak uza ho públiku adekuadu sira.
Hodi fasilita investimentu hirak ne'e, finansiamentu ba klima no saúde tenke avalia, mobiliza no garante ho adekuadu. Ne'e signifika katak tenke buka oportunidade sira atu integra prinsípiu sira rezisténsia klima nian ba hametin loron-loron husi sistema saúde, karik relasiona ho staff saúde nian ka infraestrutura báziku. Ne'e mós signifika atu identifika no hetan finansiamentu ne'ebé bele aumenta rezisténsia liu husi inisiativa sira ho foku hanesan habelar vijilánsia no ekipa fali instalasaun saúde sira.
Rai Membru sira liu husi Rejiaun Sudeste Ázia halo buat ne'ebé presiza hodi hamosu ne'e. Tinan sira mak foin liu bá, sasukat inovasaun sira implementa iha Rejiaun hodi proteje no hadi'ak saúde konforme alterasaun klima nian hala’o. Ne'e presiza hala'o nafatin. Mós presiza aumenta. OMS husi Rejiaun Sudeste Ázia halo kompromisu atu fasilita prosesu ne'e no garante katak rai Membru sira liu husi Rejiaun bele trata dezafiu ida ne'ebé boot liu ba umanidade.
Ikusmai, laiha opsaun seluk. Alterasaun klima nian transforma ona moris konforme Ita hatene, no sei kontinua atu transforma enkuantu manas globál mós aumenta. Apezarde risku sira ba saúde ema nian sai barak, meiu sira atu halo buat ruma sai disponivel ba ema hotu. Tanba harii sistema saúde sira ne'ebé reziste ba klima, rai sira husi Rejiaun Sudeste Ázia bele hetan Objetivu Dezenvolvimentu Sustentável hanesan saúde no bein-estár ba ema hotu, no mós garante buat ne'ebé manán ein-termus saúde públika. Atu adapta ba mudansa bele sai susar; maibé presiza halo ne'e. Rezisténsia ba klima sai prinsípiu ida ne'ebé sistema saúde hotu tenke halo tuir.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter