- Estudante Difisiensia Na’in 54 Estuda iha Universidade Nasional
- Presu Kafé Iha Merkadu Tun Komunidade Kuda Fali Vanila
- PM Gusmao: Timor-Leste Sei Sai Membru ASEAN Iha Tempu Badak
- Konsumu Ai-Han Inportasaun Ne’e Atitude No Prátika Ema Nian
- WVTL Servisu Hamutuk Ho Grupu To’os Hodi Hasa’e Pordusaun Ai-Han Nutritivu
Hanesan animal iha Matadouro
Timoroan hein nafatin
Hamrik Tuir Linha, Hein o nia Vez
Atu hetan oportunidade
Atu halo buat ne’ebe tenki halo
Tanba tenki halo
Tik Tak Tik Tak
Hein relojio tik tak hela
2011 besik hotu ona
2012 mos besik mos tama ona
Hein ho espektativa no nakonu ho esperansan
Timoroan ne’ebe dala ida tan
Sei desloka atu vota
Hili, tu, vota, eleje
Sira mak se
Deskupa maiba la iha ema ida ne’ebe bele nega Timor votante nia direitu konstitusional atu bele vota, liu liu STAE ne’ebe nia knar suporta administrasaun eleisoens iha rai laran, inklui mos rejistu votantes foun no mos print foun fali kartaun eleitoral ne’ebe lakon ka aat ona.
Maibe saida mak sosiedade la simu mak falta organizasaun atu bele organiza ekipamentu (laptops no printer ba kartaun eleitoral) to’o iha fatin rejistu ho tempu no oras iha loron ikus votantes sira bele ba rejistu.
Tinan 2011 ba The Dili Weekly foin liu ba hahu kedas iha Janeiru ho mudansa jestaun hosi Otelio Ote, nudar fundador ida ba Jornal The Dili Weeky ne’ebe kaer jornal ba tinan rua maibe tenki fila ba atu kaer fali Timor Post nudar nia Diretor iha 2011 hahu.
Emanue Braz, fundador The Dili Weekly seluk, fila mai iha Dili hafoin fulan hirak iha liur halo trabalhos atu simu reponsabilidade kona ba jestaun jornal ne’e. Ba 2011 nia konsegue nafatin kaer jornal no fo kontinuidade ba servisu diak Irmaun Ote hahu uluk kedas. Maibe nia missaun mak atu halo The Dili Weekly sai jornal de referensia iha Timor-Leste no mos ba se-se deit mak hakarak mai hela, servisu, passiar iha ita nia rai.
Maibe se mak dehan katak moris iha ilha ida moris fasil no relax....Karik nune ba organizasaun ka ema seluk maibe ba jornal kik ida hanesan The Dili Weekly dezafius barak hasoru ami maibe ami koko nafatin ho ami nia dedikasaun no forsa vontade no fiar kona ba papel importante media iha sosiedade.
Media Massa iha funsaun prinsipal tolu: atu Informa, atu Eduka, no atu Entreten (Haksolok). The Dili Weekly informa ka la’e; informa. The Dili Weekly eduka ka la’e; eduka. The Dili Weekly halo ema haksolok ka la’e, halo (dala ruma tanba edisaun ba Ingles dala ruma mos estranho oituan).
Maibe karik ami bele korriji persepsaun sala ida ne’ebe ema balun le The Dili Weekly hanoin. The Dili Weekly LA IHA doador permanente ka ossan barak segredo ne’ebe uza atu produz produto media ho kualidade aas (maske sei ha falhansus balun). Ami sobrevive fulan-fulan liu hosi assinaturas, faan iha dalan no publisidade limitadu ne’ebe ami hetan. Ossan lukru ami hetan ami investe fali iha organizasaun atu aumenta salariu ba staff ka aumenta rekursus ba organizasaun. Dala ruma iha hanoin sala katak iha Timor-Leste presiza ossan barak atu halo buat ruma ho kualidade. Karik The Dili Weekly bele sai modelu ida kona ba oin ho ossan kik Timoroan sira bele halo buat ida ho kualidade aas.
Deskupa maiba la iha ema ida ne’ebe bele nega Timor votante nia direitu konstitusional atu bele vota, liu liu STAE ne’ebe nia knar suporta administrasaun eleisoens iha rai laran, inklui mos rejistu votantes foun no mos print foun fali kartaun eleitoral ne’ebe lakon ka aat ona.
Maibe saida mak sosiedade la simu mak falta organizasaun atu bele organiza ekipamentu (laptops no printer ba kartaun eleitoral) to’o iha fatin rejistu ho tempu no oras iha loron ikus votantes sira bele ba rejistu.