Domingo, Fevereiro 25, 2018
Total visitors: 197063

Diretor Sekretariadu Tekniku Administrasaun Eleitoral (STAE), Acilino Manuel Branco hateten komunidades ida-idak sei tuir votasaun iha eleisaun jeral prezidensial bazeia ba fatin ne’ebe sira hasai kartaun eleitoral ba.

Diretor STAE, Acilino Manuel Branco hateten komunidade ida-idak sei tuir votasaun iha elisaun prezidensial bazea ba sira nia kartaun eleitoral.

Tanba lei la permite atu komunidade vota arbiru, maibe nia dehan, lei so fo dalan ba oficiais STAE, Comisaun Nasional da Elisaun (CNE), Polisia National Timor -Leste, Falentil-Forsa Defeza Timor -Leste (F-FDTL), Guarda Prizioneirus inklui pesoal saude ne’ebe hala’o hela servisu iha tereinu, sira bele vota iha sentru votasaun ne’ebe sira servisu ba inklui mos ofisial fiskais kandidatu sira nian. 

Nia hatutan, STAE fo tempu ba sidadaun sira atu aktualiza no muda sira nia kartaun, nune’e sira bele tuir votasaun iha elisaun agora.

“Ami labele implementa buat ne’ebe la define iha kuadru legal,” nia hateten iha servisu fatin Kaikoli, Dili. 

“Media no estudante sira hotu tenke ezerse sira nia deitu hanesan mos eleitores seluk, katak vota iha suku ne’ebe sira registu ba.” 

Nia hateten, sentru votasaun iha elisaun tinan ida ne’e aumenta, tanba tuir esperiensia iha elisaun sira liu ba komunidade barak mak la vota ho razaun sentru votasaun do’ok. 

Alende ne’e, nia dehan STAE mos sei koordena diak liu tan ho sentru votasaun hirak ne’e atu fasilita ema ho defisiente sira asesu ba iha sentru votasaun hodi hili prezidente tuir sira nia eskolha.  

Iha parte seluk, Jorginho da Costa nudar estudante husi munisipiu seluk ne’ebe halo estudu iha Dili, sente preokupa ho elisaun prezidensial tinan ida ne’e, tanba monu los ho tempu ezame nian, entaun sira labele partisipa iha elisaun ida ne’e. 

“Ami laiha osan atu selu transporte fila ba munisipiu hodi tuir votasaun e ezame trimestral mos  besik dadaun, entaun ida ne’e difikuldade bo’ot ba ami,” nia preokupa.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter