Segunda, Fevereiro 19, 2018
Total visitors: 196285

Polisia Tranzito munisipiu Dili konsege sita viaturas (kareta no motor) hamutuk 579 ne’ebe viola regras rodaviaria durante tempu kampanha prezidensial nian.

Polisia Tranzito munisipiu Dili sita viaturas hamutuk 579 ne’ebe viola regras rodaviaria durante tempu kampanha eleitoral.

Komandante Tranzito munisipiu Dili, Inspector Xefe Matias da Silva hateten husi viaturas 597 ne’e ; motor hamutuk 363 no kareta 234.

Nia dehan, motor ne’ebe sira prende ne’e barak liu uza kanu resin, laiha espelho, laiha sapa matrikula inklui laiha dokumentus.

“Ami prende motor kanu resin tanba halo baralhu no estrundu,” nia hateten, iha Dili.

Kona ba kareta, nia dehan sira prende kareta privadu sira ne’ebe laiha dokumentus no ba bis, taxi no mikrolet ne’ebe kontinua uza vidru metan no kondutor la uza uniforme inklui laiha dokumentus.

Nia hateten, infratores balun mai selu ona multa no foti hikas ona sira nia viaturas no husu sira atu labele viola tan regras ne’ebe iha.

Enkuantu total reseitas husi viaturas ne’ebe sita ne’e, nia dehan hamutuk 10.579.00 no hatama ba kofre estadu.

Iha parte seluk Membru Parlamentu (MP), David Diaz Ximenes louva ba servisu polisia nian durante tempu kampanha eleitoral seguransa la’o ho diak inklui halo check poit ho rigorozu.

“Halo servisu diak, sira nia prezensa iha duni no professional duni,” nia louva.

Nia husu atu nafatin mantein servisu seguransa hanesan ne’e iha tempu votasaun nian, nune’e povu bele tuir elisaun ho hakmatek.

E-mail Subscription

Enter your email address:

    Poll

    Nothing found!

    Follow us on Twitter