Domingo, Fevereiro 18, 2018
Total visitors: 196199

Komisaun Nasional ba Elisaun (CNE) bandu partidus politiku simu fundus husi emprezariu sira hodi finansia sira nia atividade kampanha ba elisaun parlamentar nian.

Komisaun Nasional ba Elisaun bandu partidus politiku simu fundus husi emprezariu sira hodi finansia sira nia kampanha eleitoral ba elisaun parlamentar.

Tanba, iha lei partidus politiku numeru 2/2016 mensiona ona katak partidus politiku proibido atu simu osan husi emprezariu sira (Timor Telekom, lozas inklui mos husi igreja).
“Tanba ne’e, iha audit supervisaun ne’ebe ami halo mak detekta aktu sira ne’e, ami sei prosesu tuir lei,” Sekretariu Ezekutivu CNE, Komisariu Bernardo Cardoso hateten, iha Dili.
Alende ne’e, nia dehan se iha keixa ruma husi komunidade katak iha partidu balun mak simu fundus, maka CNE sei lori partidu ne’e ba tribunal.
Nia dehan, iha kodigu prosesu penal hatuur katak partidus politika ne’ebe mak viola lei ne’e, sei hetan pena prizaun tinan rua ou selu multa.
Maibe ate agora, nia dehan CNE seidauk detekta parpol balun viola lei ne’e iha baze no mos seidauk iha keixa no rezultadu audit la detekta.
Iha parte seluk Prezidente Partidu Trabalista, Maria Angela Freitas la konkorda ho lei ne’e, tanba partidu politika presiza fundus husi emprezaria ne’ebe sira halo koneksaun diak.
Importante mak, nia dehan fundus ne’ebe mak sira hetan la prejudika prosesu demokrasia no la utiliza asaun krime sira.
“CNE labele trava fali parpol sira atu labele hetan fundus husi fatin sira ne’ebe sira iha ona koneksaun ba, tanba partidu politika sira presiza fundus,” nia hateten.
Pior liu tan, mak nia hatete partidu politiku iha Timor ne’e maioria iha difikuldade ba finanseiru, see mak garantia sira la hetan fundus husi emprezariu sira?.
Tanba ne’e, nia konsidera lei ne’e ladun fo vantagen ba partidu politiku sira, e husu atu hamoos tiha lei ne’e.

E-mail Subscription

Enter your email address:

    Poll

    Nothing found!

    Follow us on Twitter