Domingo, Fevereiro 18, 2018
Total visitors: 196199

Ospital Nasional Guido Valadares servisu hamutuk ho Sekretariado Tekniku Administrasaun Eleitoral (STAE) organiza votasaun ba pasiente sira ne’ebe baixa hela iha ospital.

HNGV hamutuk ho STAE organiza votasuan ba iha pasientes ne’ebe baixa hela iha ospital nasional iha loron elisaun.

Xefe Departamentu Kontrolu Kualidade e Komunikasaun Social HNGV, Paulina Pinto hateten dadus ne’ebe hatama ba STAE la’os identidade pasiente no pesoal saude sira nian, maibe fo numeru deit bazeia ba kama baixa nian iha HNGV no total pesoal saude ne’ebe halao servisu iha loron elisaun.
Atu evita pasiente no familia labele lakon votu iha loron elisaun, nia dehan sira fo dadus numeru jeral deit bazeia ba kama tanba pasiente balun alta antes loron elisaun no foun tama, entaun susar atu fo naran.
Alende pasientes, nia hateten pesoal saude iha mos familia pasiente ida kada pasiente ida, tanba ne’e total votantes ne’ebe sei vota iha estasaun votu HNGV hamutuk 983. Kompostu husi pasiente 364 ho familia nain rua inklui pesoal saude, seguransa, cleaner no cozineiru sira hamutuk 255.
“Ema ne’ebe halo tratamentu emergensia iha ospital no baixa iha HNGV, iha direitu tomak atu vota,” nia hateten iha Bidau, Dili.
Kona ba mekanismu votasaun, nia dehan esperiensia iha elisaun prezidensial mosu problema tanba pasiente, familia no pesoal sira vota hotu iha enfermaria, maibe agora familia vota iha fatin proprio ida no pasiente ne’ebe la’o bele vota iha enfermaria laran.
Entretantu, familia pasiente Jose Alves hateten ne’e obrigasaun governu nian atu kria kondisaun hodi pasiente ho familia labele lakon votus.
“Ne’e dever no obrigasaun governu nian atu kria kondisoens hodi fasilita eleitores labele lakon direitu,” nia hateten.
Nia sujere, ba iha instituisaun relevantes atu sosializa informasaun sira ba iha familia pasientes atu komprende prosesu ne’e tuir lei haruka, evita duvidas iha loron elisaun tanba realidade familia liu nain rua ne’ebe troka malu hein pasiente.
Tuir lei No 9/2017 de 5 de Maio, kona ba lei eleitoral hateten ema ne’ebe iha direitu vota ambulatory mak official eleitoral, membrus Polisia Nasional, F-FDTL, pesoal saude sira ne’ebe hala’o hela knar iha loron elisaun. Alende ne’e pasiente iha ospital referral sira no prizioneiru sira.

E-mail Subscription

Enter your email address:

    Poll

    Nothing found!

    Follow us on Twitter