Segunda, Fevereiro 19, 2018
Total visitors: 196285

Feto pursentu 96 (96%) fo ona kontribuisaun ba iha kresimentu ekonomia iha rai laran liu husi badaen no kreatividade ne’ebe sira iha, peskiza USAID kona ba asesmentu jeneru tinan 2009.

Jerente Programa Hakbi’it Ekonomia Feto iha FA, Jose Ximenes hateten kuaze metade feto Timor –Leste fo ona kontribuisaun ba iha hadia kresimentu ekonomi.

Jerente Programa Hakbi’it Ekonomia Feto iha Fundasaun Alola (FA), Jose Ximenes hateten kuaze metade feto Timor –Leste fo ona kontribuisaun ba iha hadia kresimentu ekonomia iha nasaun, liu –liu iha familia.
Nia dehan, durante ne’e sira fo apoiu tekniku no halo akompanhamentu ba iha grupo produtor arte jenatu no soru tais hamutuk 30, liu –liu fo formasaun hasa’e kualidade produtu nian atu kompete iha merkadu nasional no internasional.
“Ami fo motivasaun ba sira liu husi kria merkadu, tanba bainhira merkadu iha, sira iha vontade atu produs produtu origine sira liu –liu uza koor natural sira hodi halo tais,” nia hateten iha edifisio Mascarenhas, Dili.
Nia hateten, uza material tradisional no koor natural sira ne’e presiza tempu ne’ebe naruk, maibe folin iha merkadu.
Nia hateten, produtu origin sira ne’e ema barak mak gosta sosa liu –liu kompradores husi estrangeirus.
Entretantu, Koordenadora Organizasaun Asia Pasific Support Collective Timor –Leste (APSC-TL) Laura Abrantes hateten sira servisu hamutuk ho grupo produtor hamutuk 45 iha munisipios.
Nia dehan, grupo sira ne’e halo produsaun ba iha hortikultura (kuda variedade modo), halo bolunus, kripik no arte jenatu halo nu’u kulit ba kalis, mangkok no seluk tan.
“Ita tenke lee barak liu tan ba iha situasaun ekonomia no konsumedores atu ita bele oferese produtu sira iha tempu ne’ebe deit, ho nune’e inan sira bele iha sustentabilidade,” nia hateten.
Nia hateten, ho rendimentu ne’ebe feto sira hetan bele hadia ekonomia familia nian no hasai familia husi mukit no kombate malnutrisaun iha rai laran. 

E-mail Subscription

Enter your email address:

    Poll

    Nothing found!

    Follow us on Twitter