Quarta, Fevereiro 21, 2018
Total visitors: 196559

Komunidade sira kestiona maka’as hahalok kondutor mikrolet sira ne’ebe halo operasaun iha Dili laran, tanba sira nafatin fuma iha kareta laran maske governu bandu tiha ona.

Pasajeirus kestiona hahalok kondutores mikrolet no taxi ne’ebe kontinua fuma iha kareta laran maske governu bandu tiha ona.

Januario Gomes, nudar pasajeiru ida sente triste haree situasuan ida ne’e, tanba kondutor sira la kumpri lei kontrolu tabaku ne’ebe bandu sira fuma bainhira lori kareta tula ema.
“Hau sente triste bainhira haree kondutor sira nafatin fuma iha mikrolet no taxi laran tula hela pasajeirus,” nia preokupa, iha Dili.
Nia hatutan, kondutor sira fuma iha mikrolet laran ne’e bele fo impaktu ba ema sira ne’ebe iha kareta laran, tanba sigaru nia suar ne’e bele prejudika ba ema nia saude, liu-liu labarik sira.
“Ita hotu hatene katak sigaru ne’e bele halo ema moras,” nia hateten.
Tanba ne’e, nia husu ba kondutor sira hotu ne’ebe lori transporte publiku (mikrolet no taxi) atu kumpri lei ne’ebe iha ona, nune’e labele lori moras ba ema seluk iha kareta laran.
“Sai kondutor, ita lori ema barak nia vida,” nia hateten.
La’os deit kondutor sira iha Dili laran, maibe mos nia dehan kondutor bis no Angguna sira ne’ebe halo operasaun tula pasajeirus husi capital munisipiu ba foho, tenke kumpri lei ne’ebe iha.
Iha parte seluk, Kondutor Mikrolet 05 ne’ebe halai ba diresaun Manleuana Francisco Tilman rekonese katak sira hetan ona sosializasaun husi Polisia Tranzitu kona ba impaktu fuma sigaru ba aan rasik no mos ba ema seluk nia saude.
Nia hateten, durante halo operasaun tula pasajeirus labele fuma sigaru iha kareta laran, tanba ida ne’e bele fo moras ba ema sira iha mikrolet laran ne’e.
“Maske bandu ona maibe nudar mane, la fuma ne’e sente moris la kontente bainhira tula hela pasajeirus. Dalaruma ami fuma penumpang sira hirus ami,” nia hateten.
Nia rekonese mos, katak Polisia mos hirus sira bainhira hetan fuma iha kareta laran no bele hetan sansaun selu multa tanba kontra lei kontrola tabaku.
“Maibe ami tenke fuma tanba ami toman ona, karik ami la fuma ami sente buat barak falta iha ami nia moris,” nia hateten.
Hatan ba kestaun ne’e, Diretor Departementu Tranzitu Nasional, Inspektor Xefe Polisia Antonio L.C. Soares katak governu liu husi Ministeriu da Saude bandu ona atu kondutor sira fuma iha kareta laran, maibe sira rasik seidauk iha baze legal ida hodi prende kondutores ne’ebe fuma iha kareta laran.
“Polisia atu kaptura ema ida ou halo tilang ba ema ida, nia tenke bazeia ba lei no kodigu penal ruma,” nia hateten.
Alende ne’e, nia dehan fuma ne’e hanesan direitu ema ida-idak nian, maibe tenke respeita ema nia seluk nia direitu mos, liu-liu sira ne’ebe la gosta fuma, tanba bele estraga ema nia saude. 

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter