KomJer PNTL Husu Publiku Keta Fiar Rumores Iha Media Sosial

Komandante Jeral (KomJer) Polisia Nasional Timor-Leste (PNTL), Komisariu Julio da Costa Hornai apela ba publiku tomak atu labele fiar ba informasaun ne’ebe ema espalha iha media social hanesan facebook hodi hatauk komunidade.

Nia hateten, informasaun ida ne’ebe mak sai iha media social liliu hanesan facebook katak fatin hirak ne’ebe mak sira temi risku ne’e lalos.
Nia hato’o informasaun ne’e relasiona ho informasaun ne’ebe make ma balun tau iha facebok konaba fatin risku, no atu limite movimento iha lai laran.
“To’o ohin loron polisia seidauk hasai informasaun ba publiku kona ba fatin risku, ne’ebe mak sira temi iha Dili laran, no mos distrito balun, atu limite movimento ida lae,” Komisario Hornai dehan
Tanba ne’e nia husu ba povu tomak Timor-Leste lalika fiak ka hakfodak ho informasaun sira ne’ebe mak iha facebook ne’e ne’e, halo imi nia aktividade normal hanesan babain.
“Kontinua halo imi nia katividade diaria ne’ebe imi halo tuir idaidak nia programa hodi sustenta moris lorloron nian,” nia dehan.
Tanba ne’e nia dehan, iha problema ruma karik polisia nasional Timor-Leste serviso hamutuk durante ne’e ho forsa defesa Timor-Leste sei atua problrma hira ne’e imi hasoru.
Entertanto Pedro da Costa Lobato hanesan estudante hateten, tuir nia observasaun durante ne’e situasaun jeral iha rai laran la’o diak no hakmatek, la akontese konflito ruma.
Nia dehan, hanesan fatin sira ne’ebe mak ema balun ne’ebe lori polisa nia naran espalha informasaun iha media social hanesan facebook ne’e mos la hutudu katak risku.
“Kalan tuku 10 ema sei movimento rame, ita seidauk rona dehan, iha konflito iha fatin ne’ebe mak sira mensiona, iha facebook, bandu ema atu movimento,” Lobato dehan.
Tanba ne’e, nia mos husu ba komunidade tomak iha Timor keta fiar informasaun ne’ebe make ma espalia iha facebook tanba dalaruma lalos.