Segunda, Fevereiro 19, 2018
Total visitors: 196285

Diretor Jeral iha Ministeriu Eduakasaun, Antoninho Pires hateten Orsamento Jeral do Estado (OJE) 2018 ne’ebe tarde sei la fo impaktu ba iha bolseiru sira ne’ebe dadaun ne’e hala’o estudu iha rai liur.

Diretor Jeral Antoninho Pires hateten sei la fo implikasaun ba bolseiru sira ne’ebe hasai estudu iha liur maske OJE 2018 tarde.

Nia hateten, iha desimo terseiro ne’e laiha impaktu ba bolseiro sira tanba sira ne’e garantia katak mensalmente sira nia osan ne’e labele bo’ok, hanesan mos funsionario sira nian kategoria husi salario vensimentu laiha mudansa.
“Tanba sira nia osan ne’e anualmente governu tau tiha ona,” DJ Pires hateten, iha Dili.
Entretantu tuir Sekretario Nasional iha rede edukasaun Timor-Leste Coalition for Education (TLCE), Jose Monteiro katak impakto ka la’e ne’e depende deit ba kontrato ho nasaun ne’ebe mak sira eskola ba.
Karik sira nia kontrato ba salario vensimento iha tiha ona, nia dehan estado hein halo pagamento deit ba bolseiro sira, atu nune’e labele fo impakto ba sira nia estudo.
“Tanba bolseiro sira ne’e presiza han, selu, entaun labele tarde halo pagamentu ba sira,” nia hateten.
Nia dehan, bolseiro sira ne’ebe ba estudo iha rai liur ne’e responsavel governu nian, tanba ne,e tenke tau osan hodi selu sira atu labele difikulta sira nia estudo.
“Ita mak haruka sira ba estudo iha ne’eba, ita tenke responsabliza ba sira tanba sira estuda iha ne’eba fila mai hodi kontribui ba dezenvolvimento iha Timor,” nia hateten.

E-mail Subscription

Enter your email address:

    Poll

    Nothing found!

    Follow us on Twitter