Terça, Fevereiro 20, 2018
Total visitors: 196422

Diretor Nasional Agrikultor, Hortikultura no Extensaun iha Ministerio Agrikultura e Peskas (MAP), Amaro Ximenes hateten iha tinan 2017 difisil tebes ba iha agrikultor sira tanba infrenta hela situasaun (El Nino), maibe agrikultor sira konsege produs hare 36,995.87 toneladas.

Durante tinan 2017, agrikultor sira konsege produs hare 36,995.87 maske infrenta situasuan El Nino.

Nia dehan, ho produsaun hare 36,995.87 toneladas halo ba foos kuaze 22,197.25 toneladas ne’ebe konsege produs iha rai laran.
Nia hateten, produsaun foos ne’e sei menus kuaze 122 toneladas tanba iha Timor kada tinan ema ida han 104 kg foos, entaun presiza importa husi rai liur.
“Ita nia produsaun ne’e seidauk to’o ba ita, tanba kuaze 120 resin toneladas mak ita menus no presiza importa husi rai liur, signifika seidauk to’o,” nia hateten iha servisu fatin Comoro, Dili.
Haree husi area potensial, nia dehan produtivdade ne’e lolos produsaun sufsiente atu responde iha rai laran, maibe tanba natar barak mak abandona.
Alende ne’e, natar 2,026.74 hektares mak sei utilize sistema tradisional katak hare kari deit iha natar laran, du’ut la hamos, kontrolu ba adubusaun ladiak no 9,062.94 hektar mak hare kari, fokit kuda fali, maibe la kuda linha no kontrolasaun ba adubu, pestisida no bee ladun diak.
Nia dehan, foin iha 771, 57 hektar mak implementa ona sistema pratika agrikultura diak, katak hare kuda linha, kontrolasaun ba adubusaun, pestisida, bee diak no du’ut moos.
Iha parte seluk, Diretor Ezekutivu Hametin Agrikultora Sustentavel Timor –Leste (HASATIL) Gil Boavida hateten produsaun menus tanba partisipasaun iha servisu produtividade agrikultura menus.
Alende ne’e, nia dehan faktor seluk mak problema infra-estruktura baziku liu –liu irigasaun ne’ebe barak aat no impaktu husi bai-loron naruk (El Nino).
“Ami sujere ba governu atu halo evaluasaun fila fali ba iha politika no planu asaun sira ne’ebe liu ona hodi haree fali vantagen, dezvantagen no dezafiu sira ne’ebe iha, hadia setor ida ne’e sai diak liu tan,” nia sujere.
Tanba, nia dehan implementasaun politika no planu balun ne’ebe la kona alvu lolos liu –liu servisu asistensia tekniku sira ne’ebe durante ne’e la’o iha terenu la fo apoiu maximu ba agrikultor sira.
Nia hateten, agrikultura hanesan setor potensial ba Timor –Leste, maibe bainhira la fo prioridade atu dezenvolve sai agrikultor ida ne’ebe modernu povu Timor –Leste sei depende nafatin deit ba produtu sira husi rai liur.

  • Ter
    Fev
    20
    2018
    Feto Husu PARPOL Sira Garantia Paz no Estabilidade
    Eleitores feto sira husu ba lider Partido Politiku sira atu garantia situasaun paz no estabilidade durante prosesu elisaun antisipada nian la’o to’o elisaun remata, hodi asegura feto sira nia partisip...
  • Ter
    Fev
    20
    2018
    Ema Nain 77 Maka Tau Matan Falsu
    Pasiente matan nain 77 mak obrigado matan sorin tenke uza matan falsu, tanba sira nia matan ladiak ona no labele salva, dadus Sentru Matan tinan 2017. Pasiente matan hamutuk 77 mak uza ona matan f...
  • Ter
    Fev
    20
    2018
    ME Sei Aloka Fos Lokal 204 Toneladas Ba Merenda Eskolar
    Ministerio Edukasaun (ME) sei aloka fos lokal 204 toneladas ba programa merenda eskolar ba eskola Ensino Baziku sira iha munisipio Dili. ME aloka fos lokal toneladas 204 ba eskola ensino baziku sir...
  • Ter
    Fev
    20
    2018
    Ema Nain 26 Tuir Formasaun Jestaun Apoiu Emergensia
    Oficial logistika no armagen nain 26 tuir formasaun kona ba jestaun kadoras fornesementu no emerjensia lojistika hodi fo asistensia ne’ebe rapidu ba iha vitima dezastre naturais sira ne’ebe akontese i...
  • Ter
    Fev
    20
    2018
    ME Fo Apoia Emergensia Ba Escola 4 Iha Ainaro
    Ministeriu Edukasaun liu husi Diresaun Nasional Asaun Sosial Escolar (DNASE), fo apoia emergensia ba escola hat iha munisipiu Ainaro tanba hetan estragus husi anin bo’ot ne’ebe akontese foin lalais ne...

E-mail Subscription

Enter your email address:

    Poll

    Nothing found!

    Follow us on Twitter