Sexta, Fevereiro 23, 2018
Total visitors: 196818

Royal Thai Embassy iha Timor-Leste entrega komputador walu kompleta ho printer kedas ba Sentru Treinamentu Fundasaun Lar Do Bom Samaritano, hodi fasilita atividades iha sentru ne’e.

Embaixador Thailandia iha Timor-Leste, Tawatchai Koopirot, hateten apoia ida ne’e bazea ba proposta ne’ebe sira hato’o ba embaixada hodi fo tulun ba labarik orfanatu sira (80) iha fundasaun ne’e.

“Sira husu komputador hat atu fo treinamentu ba labarik oan kiak sira iha fatin ne’e, tanba labarik sira ne’e husi familia kbi’it laek ne’ebe laiha kapasidade hasae sira nia matenek,” Embaixador koopirot hateten, iha Dili. 

Nia hateten, labarik orfanatu iha fundasaun Samaritano, distritu Ermera ne’e mai husi 13 distritus, balun veteranus nia oan, katekista nia oan, no oan kiak sira mak hamutuk fatin neeba.

Embaixador hatutan,  proposta la’os hatama deit ba Embaixada Thailandia ho Ministeriu Negosiu Estrangeiru, maibe mos ba Prinseza HRH Maha Chakri Sirindhorn ne’ebe halo nia visita Royal iha TL no Samaritano iha dia 8 Janeiru 2014, fatin ne’ebe nia parte ajuda barak ona instrument musika ba labarik sira  no suporta sira nia atividades kona-ba rekreasaun.

“Komputador nia modelu HP Pavilion 110-010L walu, desktop PCs 20 inch ho Intel G2030T no HP Laser Jet Pro P1102 ida, nia folin hamutuk Dolar Amerikanu (US$) 5.000 hosi doasaun privadu Prinseza HRH no governu Royal Thai ho objetivu atu suporta dezenvolvimentu edukasaun no IT labarik sira Samaritano,” Embaixador Koopirot hateten.

Iha parte seluk Diretor Fundasaun Lar Bom Samaritano, Almerio Saldanha Borges, hateten fundasaun ne’e harii iha 1988, loke husi padre Dominos da Silva Soares alias Maubere, e foin hetan legalizasaun iha tinan kotuk.

Nia dehan,  fundasaun ne’e hanaran Lar Bom Samaritano, iha Lau-Ala, Gleno, distritu Ermera.

“Lar nee ema hamutuk 80 inklui feto 40 no mane 40, simu ema ho idade 11 to’o 18 anos, sira foin pre-secundaria ho secundaria deit,”Almerio Saldanha hateten.

Nia hateten, antes ne’e sira halo ona vizita iha fundasaun ne’e hodi kondisaun ho besik liu tan.

“Bainhira Embaixador vizita hotu, ami hakerek karta ida hanesan agresementu ba prisensa nia visita e ami mos hatama proposta atu ajuda ami komputador,” nia hateten.

“Ami mos bele loke kursu komputador ba estudante sira ne’ebe agora ne’e iha lar bon samaritano iha Lauwala, fatin ne’e veteranos nia oan, katekista nia oan, no oan kiak. Maibe preriodade liu ba veteranos nia oan ho katekista sira nia oan,”.

Orfonatu sira ne’e hela iha Lau-Aala mai eskola iha Gleno mais menus 2 kilomentro hanesan nee, balu Eskola iha Secundaria Nino Koni Santana Gleno, no balu Eskola iha Pre-Secundaria 10 de April ne’ebew dader-dader ne’e sira mai eskola.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter