Domingo, Fevereiro 25, 2018
Total visitors: 197063

Asosiasaun direitus humanus (HAK) servisu hamutuk ho grupo solidaridade Korea fo kondekorasaun ‘medalha louvor’ ba vitima Jugun Ianfu (atan sexual) iha II Guerra Mundial tinan 1942-1945 iha Timor -Leste.

Asosiasaun direitus humanus (HAK) servisu hamutuk ho grupo solidaridade Korea fo kondekorasaun ‘medalha louvor’ ba vitima Jugun Ianfu (atan sexual) iha II Guerra Mundial tinan 1942-1945 iha Timor -Leste.

Diretor Ezekutivu HAK, Manuel Monteiro hateten medalha ida ne’e atu dignifika sobrevivente sira nian sofrementu no fo korajen ba sobrevivente ne’ebe sei moris no sira ne’ebe mate ona ho familia atu kontinua luta ba justisa.
Nia dehan, sira konsege identifika vitimas nain 20 deit no husi 20 ne’e nain 10 mak mate ona, e nain 10 seluk sei moris.
“Objetivu husi atribuisaun medalha ne’e, mak atu hametin vitima no familia sira nia korajen hodi kontinua luta ba justisa, tanba justisa ba II Guerra Mundial ne’e difisil hetan atensaun husi ukun nain sira,” nia hateten iha Farol, Dili.
Nia hatutan, luta ida ne’e seidauk remata tanba vitima sira seidauk hetan justisa ne’ebe justu, liu –liu rekonesementu official husi governu Japaun hanesan okupante.
Tanba ne’e, HAK husu governu Timor –Leste atu halo diplomasia mutual no jenuinu ho governu Japaun hodi dignifika no tau matan ba vitimas ne’ebe dadaun moris vulneravel tebes.
Nia sente triste tebes, bainhira governu Timor –Leste konsidera istoria ne’e mo’e bo’ot ba nasaun ne’ebe la presiza jerasaun foun sira hatene.
Nia hateten, justisa pasadu tenke kore sai ba jerasaun foun sira atu hatene no hakotu aktu sira ne’e bainhira fo sai mak aktu violasaun direitu humanu sira ne’e akontese nafatin.
“Ita haree iha sosiedade, ema ne’ebe iha osan kontinua halo violasaun ba feto liu –liu labarik feto sira, ne’e akontese hela,” nia preokupa.
Iha parte seluk, reprezentante Solidaridade Korea Jeung Seun Yi hateten povu Korea hanesan mos vitima ida husi militar Japaun iha II Guerra Mundial, tanba ne’e medalha ne’e hanesan jestu ida atu fo liman ba malu hodi luta ba justisa no lia los ba sobrevivente sira.
“Lolos, asaun sira hanesan ne’e hala’o husi governu Japaun, maibe ida ne’e ami ho laran hakarak atu fo liman ba vitima no familia sira,” nia hateten.
Nia dehan, grupo solidaridade Japaun mos hahu halo ona investigasaun ruma iha Timor –Leste liga ho asuntu ida ne’e.
Nia haktuir, solidaridade Korea do Sul iha komitmentu atu kontinua suporta organizasaun HAK Timor –Leste no familia sobrevivente sira hodi luta ba justisa ida ne’e no kontinua apoia nesesidade baziku vitima sira nian.
Entretantu, vitima Esperansa Amelia Fernandes husi postu administrative Uato-Carbau, munisipio Viqueque hato’o agradese wain ba iha grupo solidaridario Korea ne’ebe kondekora ona sira hanesan maluk sobrevivente, maibe ida ne’e ladauk to’o atu kura kanek no fitar ne’ebe sira iha.
“Ami ferik ona loron ruma mate ona, maibe iha bei-oan sira atu nafatin fo liman ba malu no fiar malu hodi kontinua luta ba lia los,” nia hateten ho mata been.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter