Domingo, Fevereiro 25, 2018
Total visitors: 197063

Ensino Baziku Central 70 resin mak implementa ona programa kintal eskola, ho objetivu atu fo konesementu ba labarik sira kona ba vida agrikultura no valor nutrisaun iha variedade aihan ne’ebe iha.

Iha ona eskola ensino baziku 70 resin iha rai laran mak implementa ona programa kintal eskola.

Diretor Nasional Asaun Sosial Eskolar, Belchior Maria Almeida hateten husi rihun 200 resin ensino baziku sentral ne’ebe eziste iha teritorio tomak iha 70 resin mak implementa ona programa kintal eskola ne’e.
Nia dehan, eskola hira ne’e iha munisipio Dili, Aileu, Liquisa, Ermera, Bobonaro, Ainaro, Baucau no sei habelar tan ba munisipio seluk.
Nia hatutan, to’os eskola ne’e programa ida ne’ebe positive tebes tanba kintal ne’e bele sai hanesan laboratorium ida ba estudantes atu pratika siensia ne’ebe sira aprende iha teoria.
“Ita la halo kintal bo’ot, maibe ita uza espasu ne’ebe ki’ik liu –liu koridor eskola nian atu kuda modo no aihoris hodi fo konesementu ba labarik sira kona ba prosesu kuda, tempu koileta no valor nutrisaun sira iha produtu sira ne’e,” nia hateten iha salaun FONGTIL Kaikoli, Dili.
Nia dehan, atu redus malnutrisaun iha rai laran ne’ebe atinji 50% ne’e governu iha obrigasaun atu introdus programa ida ne’e hodi fo konesementu ba labarik sira atu sira bele sai ajente ba mudansa.
Nia mos, husu ba ema hotu liu –liu inan-aman sira, labele intrepreta sala programa kintal eskola tanba objetivu husi atividade ne’e atu fo konesementu ba labarik sira, la’os atu halo produsaun ne’ebe barak.
Nia informa, husi sosializasaun ne’ebe sira hala’o hatudu eskola barak mak iha interese atu implementa programa ida ne’e, maibe sira falta bee e Ministerio Edukasaun sei tau orsamentu hodi sosa ekipamentus apoiu bee ba eskola sira.
Nia hateten, tinan ida ne’e governu aloka orsamentu $20 mil no apoiu husi prinseza Thailandia, agensia international hanesan avansa agrikultura hodi halo sosializasaun ba eskola sira no implementa ona iha eskola balun.
Xefe Departamentu Seguransa Aihan Minsiterio Agrikultura e Peskas (MAP), Rofino Soares Gusmão hateten ministerio fo apoia tekniku ba iha programa ida ne’e no halo sosializasaun ba estudantes kona ba seguransa aihan iha Timor-Leste.
Nia rekonese, katak agora dadaun produtus barak liu mai husi rai liur, ne’e realidade maibe importante atu fo hanoin ba komunidade sira, liu –liu labarik sira kona ba valor nutrisaun ba produtu local sira atu labele depende ba produtus importa hodi konsumu.
“Kontinuasaun ba atividade ne’e mak ita hakarak estudante sira aprende no implementa iha eskola, depois sira bele implementa fali iha familia hodi supporta redus malnutrisaun iha familia,” nia esperansa.
Nia dehan, governu fo prioridade ba iha programa ida ne’e atu fo konesementu ba labarik sira kona ba lala’ok vida agrikultura nian, tanba governu iha programa ne’ebe involve foinsa’e sira iha area ida ne’e.
Nia hatutan, programa ida ne’e la’o diak iha eskola sira, bele kontribui rezolve no supporta ona programa merenda eskolar.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter