Segunda, Fevereiro 19, 2018
Total visitors: 196285

Hahu tinan 2016 to’o agora governu liu husi Ministeriu Edukasuan konsege distribui ona meja-kadeiras 1100 ba iha eskola sira iha teritoriu tomak.

Governu liu husi MInisteriu Edukasuan konsege distribui ona meja-kadeiras 1100 ba eskola sira iha rai laran ne’ebe identifika menus meja-kadeiras.

Diretor Jeral Ministerio Edukasaun (ME), Antoninho Pires hateten agora hela deit meja-kadeiras rezerva 200 ou 300, restu fahe hotu ona.
“Ba eskola sira ne’ebe ami identifika falta kadeiras no meja, ami fahe hotu ona ba sira, enkuantu ba eskola foun no sala foun sira, ami sei haree fali ba 2018 ninian,” DJ Pires hateten, iha Dili.
Iha parte seluk, Manajer Programa Timor-Leste Coalition for Education (TLCE), Matias dos Santos hateten problema falta meja-kadeiras sai preokupasaun publiku nian, e kada tinan sempre akontese.
“Ministerio Edukasaun tenke tau prioridade ba asuntu sira ne’ebe mak baziku, liu liu fasilidade meja- kadeira sira laiha liu ne’e mak parte ida ne’ebe baziku liu,” nia sujere.
Enkuantu estudante husi eskola Ensino Sekundaria 4 Setembru Balide, Zeferino Pereira rekonese, katak iha ezame foin lalais ne’e estudante sira tuur deit iha semente mak tuir ezame, tanba meja-kadeiras lato’o.
“Ami fiar katak governu foun mai bele tau matan baa mi nia eskola, nune’e ami labele tuur tan iha rai,” nia esperansa.

E-mail Subscription

Enter your email address:

    Poll

    Nothing found!

    Follow us on Twitter