Segunda, Fevereiro 19, 2018
Total visitors: 196285

Diretor Jeral iha Ministeriu Edukasuan (ME), Antoninho Pires hateten ministeriu desentraliza ona programa merenda eskolar ba iha munisipiu sira hodi jere rasik sira nia orsamentu.

Diretor Jeral ME, Antoninho Pires hateten orsamentu ba programa merenda eskolar desentraliza ona ba edukasuan munisipiu ida-ida hodi jere.

Nia dehan, ministeiru desentraliza tanba Timor-Leste uza ona sistema finanseira doadesimu (katak osan ba tinan ida nian ba merenda eskolar nian, karik osan ne’e sei iha bele mos uza hodi suporta atividades seluk).
“Se karik agora dadaun ne’e ita nia doadesimu ne’e bele akumula, karik bele uza para han oitoan no ulitiza lai osan ne’ebe mak iha,” nia hateten.
Portantu, total orsamentu sira labele anunsia, nia dehan tanba merenda eskolar ne’e desentraliza ona ba iha munisipio sira no kada munisipio ida hetan orsamento la hanesan, haree bazea ba volume estudante kada eskola iha munisipio ida.
“Ezemplu, hanesan munisipio Dili hetan orsamento ba merenda eskolar $3 miloens entaun ne’e divide ba 12 mezes, ne’e mak bolu Doadesimu ne’e,” nia hateten.
Entretantu Sekretario Nasional rede edukasaun Timor-Leste Coalition for Education (TLCE), Jose Monteiro hateten sira seidauk hatene programa merenda eskolar agora la’o oinsa, tanba seidauk tun ba halo monitorizasuan.
“Orsamento ba merenda eskolar ne’e iha ka la’e, orsamento doadesimu nian ne’e sei iha ka la’e, kuandu laiha, ne’e afeta ba programa hotu iha eskola nian, liu-liu ba merenda eskolar,” nia hateten.
Maibe iha tinan kotuk, nia dehan merenda eskolar kuaze iha teritorrio tomak la’o ho diak, maske dalaruma fos tama tarde.

E-mail Subscription

Enter your email address:

    Poll

    Nothing found!

    Follow us on Twitter