Sexta, Fevereiro 23, 2018
Total visitors: 196818

Diretor Jeral iha Ministeriu Edukasuan (ME), Antoninho Pires hateten komesa kedas iha tinan 2015 sistema orientasuan iha kada eskola la uza ona modelu militar ba estudantes foun.

Diretor Jeral Antoninho Pires hateten ministeriu la autoriza ona eskola sira atu uza sistema orientasaun ba estudantes foun ho modelu militar nian.

Nia hateten, ministerio iha nia regulamentu ida ne’ebe hatur tiha ona kona ba funsionamento ba eskola sira inkliu mos sistema orientasaun ba estudante foun sira.
“Politikamente, laiha ona orientasaun hirak ne’ebe ho modelu militar komesa kedan husi 2015 mai, politika ida ne’e la uza ona iha eskola,” DJ Pires hateten, iha Dili.
Nia dehan, sistema orientasuan ne’ebe agora uza mak fo liu konesementu kona ba lala’ok no regras eskola nian, halo dialogu ba orientasuan sientifiku, mentalidade ba estudante foun sira hodi sira hatene ambiente eskola nian.
“Tanba ambiente husi eskola ida ba eskola seluk la hanesan, entaun metodu ida ne’e mak tenke aplika iha orientasuan, hatene kurikulum eskola nian, ida ne’e mak aprezenta iha orientasuan,” nia hateten.
Entretantu Sekretario Nasional ba rede edukasaun Timor-Leste Coalition for Education (TLCE), Jose Monteiro hateten, kada tinan komunidade sempre kestiona kona ba sistema orientasuan ne’ebe eskola sira fo ba estudantes foun.
“Hau la hatene, Ministerio Edukasaun iha ona baze ruma hodi regula ida ne’e ka la’e, nune’e orientasuan bele la’o tuir nia dalan ho lolos,” nia hateten.
Tuir nia, orientasuan ne’e iha nia limitasuan, katak fo konesementu ba ambiente foun, fo palestra, seminariu sientifika, orientasuan mentalidade estudantes foun e la’os uza fali sistema militar.
Maibe, nia dehan karik atu kontinua aplika orientasuan ho modelu military ba estudantes foun, sira tenke iha baze legal.
“Estudante sira ne’ebe mak hili sai komisaun organizadora, sira ba ho sira nia interese oi-oin, haruka guling tun-sa’e, ida ne’e sistema ne’ebe Indonesia nian, ita labele kontinua ida ne’e,” nia hateten.
Nia dehan, orientasaun ba estudantes la hanesan ho militar ka polisia nian, ba estudante ne’e labele aplika fali forsa nian.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter