Segunda, Fevereiro 19, 2018
Total visitors: 196285

Diretor Jeral iha Ministeriu Edukasaun no Kultura (MEK), Antoninho Pires hateten material saude reprodutivu hahu hanorin ona ba estudantes iha eskolas.

Diretor Jeral ME Antoninho Pires hateten material saude reprodutivu hahu hanorin ona ba estudantes iha eskola sira.

Nia hateten, implementa material ne’e ho objetivu atu estudante sir abele kompriende didiak kona ba asuntu ne’e.
“Iha materia ne’e koalia kona ba saude reprodutivu nian ; orgaun ita ema moris nian sira ne’e hotu mak kontiudu husi materia saude reprodutivu ne’e,” DJ Pires hateten, iha Dili.
Nia dehan, material saude reprodutivu hatama ona iha kurikulumeskola nian no material ne’e labele implementa ketak maibe hamutuk ho kontiudu hanesan materia biologia nian no ida seluk tama baziku iha siensia naturais nian.
Tanba ne’e, nia dehan materia ne’e implementa ona iha eskola sira hamutuk ho material, biologia iha ne’e koalia kona ba series humanus, naturais, ai horis inklui mos animal.
Entretantu Diretora Movimentu Feto Foinsa’e (MOFFE), Yasinta Lujina hateten saude reprodutivu ne’e asuntu ida importante ba foinsa’e sira atu sira hateten didiak kona ba ida ne’e.
“Ita hakarak jerasaun ida tuir mai ne’e, tenke moris ho diak no iha saude diak, saudavel,” nia hateten.
Tanba tuir nia, foinsa’e sira barak mak sei monu ba riskus, se la fasilita sira agora.
“Isin rua sedu, kaben sedu no moras hada’et husi relasaun sexual barak mak mosu hanesan HIV, hepatitis no seluk tan,” nia dehan.
Dalabarak liu, nia dehan publiku hatene deit mak moras hanesan HIV-SIDA, hepatitis maibe lolos sei iha moras seluk ne’ebe da’et liu husi relasaun seksual.
Alende ne’e, nia mos husu ba Ministeriu da Saude atu iha kolaborasaun ne’ebe diak ho Ministeriu Edukasaun no Kultura, tanba material ne’e tama ona iha kurikulum maibe la implementa.
“Importante tebes atu sira bele planea didiak hodi bele implementa,” nia dehan.
“Presiza koordena hamutuk ho parte edukasaun nian, se joven ho estudante sira iha konesementu diak ona, sei kontribui maka’as ba foinsae sira ba asuntu ne’e.”

E-mail Subscription

Enter your email address:

    Poll

    Nothing found!

    Follow us on Twitter