ME Halo Sosializasaun Primeiru Sokorru Ba Eskola Sira

Ministerio Edukasaun (ME) halo sosializasaun kona primeiru sokorru ba estudantes iha eskola Pre-Sekundario no Sekundario sira iha Dili laran.

Diretor Jeral (DJ) iha Ministerio Edukasaun (ME), Antoninho Pires hateten sosializasaun ida ne’e ho objetivu atu bele forma ekipa primeiro sokorru iha eskola, nune’e akontese asidente ruma iha eskola, sira bele ajuda malu.
“Primeiru sokorru ne’e, mak hanesan ema ida hetan asidente, ita mak to’o uluk no halo kurativo ne’e mak bolu primeiro sokorru,” DJ Pires hateten.
Nia dehan, ho sosializasaun ida ne’e sira hotu bele aprende mos kona ba lala’ok primeiro sokorru nian oinsa atu halo iha eskola.
“No mos sira bele hatene, oinsa atu hetan ekipamento mediku sira ne’e ba necesidade primeiro sokorru nian,” nia informa.
Eskola hotu, nia hateten Ministerio Edukasaun fo ona orientasaun atu hala’o ida ne’e iha eskola sira.
Entretantu Professor Zaulino da Cruz hateten, sosializasaun ida ne’e importante, tanba koalia liafuan ida primeiro sokorru ne’e katak ema ne’ebe mak to’o uluk iha fatin akontesemento.
“Ema ne’ebe to’o uluk iha fatin akontesimento, karik mak ema ruma kanek, tohar no mate, nia makfo ajuda uluk, ne’e mak bolu primeiro sokorru,” nia esplika.
Ne’ebe, nia dehan programa id ane’e diak, nune’e estudante sir abele hatene no konese saida mak primeiru sokorru.
“Estudante sira tenke hatene didiak ida ne’e, tanba dalaruma akontese asidente ruma ida eskola, entaun sira ne’ebe iha konesemento ba ida ne’e bele ajuda,” nia dehan.
Nia mos, hu ba Ministerio Edukasaun atu kontinua programa sosializasuan ida ne’e, nune’e estudante sir abele kompriende diak liu tan.