Domingo, Fevereiro 18, 2018
Total visitors: 196199

Universidade Nasional Timor-Lorosa’e (UNTL) kopera ho Ministeriu Edukasaun deside hodi simu estudantes foun hamutuk nain 3.264 iha tinan 2018 ne’e.

Universidade Nasional Timor-Lorosa’e tinan 2018 ne’e simu estudantes foun hamutuk 3264.

Pro-Reitor asuntu Akademikus, Marcos Antonio Amaral hateten prosesu selesaun tama UNTL mak tenke tuir criteria hirak ne’ebe iha, halo selesaun ba dokumentus no teste eskrita no entrevista.
“Sira ne’ebé mak valores diak no preenxe kriterio bele liu, la preenxe konserteza la liu. No tinan ida ne’e simu estudantes hamutuk 3.264 tuir planu universidade nian,” nia hateten, iha Dili.
Nia hateten, estudantes 3.264 nee sei distribui ba kursu 38 iha fakuldade sia(9) nia laran iha (UNTL) tuir desizaun husi Ministeriu Edukasaun no Kultura nian.
Husi tinan 2000 to’o 2009, nia hateten UNTL rasik mak hala’o prosesu tomak, husi selesaun dokumentus, teste eskrita no entrevista, maibe hahu 2010 to’o agora UNTL servisu hamutuk MEK.
Prosesu selesaun ne’e, nia hateten iha rejime rua ; mak rejime jeral no oportunidade. Jeral mak sira ne’ebe akaba sira nia estudu iha tinan 2013 to’o 2016, enkuantu rejime oportunidade mak sira ne’ebe remata eskola sekundariu iha tinan 2017.
Entretantu Minístru Edukasaun no Kultura (MEK), Fernando Hanjam, hateten total estudante liu iha selesaun hodi asesu ba eskola iha UNTL no Institutu Politéknika Betano (IPB) hamutuk na’in 3.264.
Nia dehan, husi númeru ne’e estudante hamutuk na’in 2.607 maka pasa liu-husi kritériu rejíme jerál nian, katak sira ne’ebé remata eskola iha tinan 2013 no 2016 nian no na’in 657 mak tama iha rejíme oportunidade nian ne’ebé foin dadaun mak remata.
“Iha rejíme jerál 54% (1.415) mak estudantes feto no mane iha 48% (1.192). Iha rejíme Oportunidade nian feto 49% (323) no estudantes mane 51% (334),” nia hateten.
No estudante sira ne’e, nia dehan sei koloka 191 ba iha IPB, sei sira sei integra ba produsaun animal no konstrusaun sivil.

E-mail Subscription

Enter your email address:

    Poll

    Nothing found!

    Follow us on Twitter