Domingo, Fevereiro 25, 2018
Total visitors: 197063

Ministerio da Saude (MdS) hahu implementa programa regime internatu, fo oportunidade ba graduadu profisaun saude halo servisu iha fasilidades saude, hodi hein vaga servisu husi governu.

MdS fo oportunidade ba graduadu profisaun saude atu halo servisu iha fasilidade saude sira, hodi hein vaga husi govenru.

Ministru da Saude, Rui Maria da Araujo hateten tinan 2018 ne’e sira hahu implementa regime internatu, ne’e hanesan parte ida atu ajuda pesoal saude foun sira konese diak liu tan kona ba estruturas, funsionamentu no regras sira iha ministerio nia laran.
Nia dehan, sira (graduadu) sei halo servisu hanesan professional saude sira seluk, maibe sira hetan supervizaun (akompanha) husi professional saude antigu sira ne’ebe iha fasilidade saude refere.
“Regime internatu ne’e ami introdus atu sira labele tur deit iha uma, sira hotu ona sira nia kursu, agora sira tama iha regime ne’e,” nia hateten iha salaun INS Comoro, Dili.
Nia dehan, graduadus hamutuk 300 resin ne’ebe sei tama iha regime internatu ne’e. Graduadus sira ne’e mai husi Universidade Nasional Timor –Lorosa’e (UNTL) no Indonesia ne’ebe durante ne’e hetan bolsu husi estado.
Nia informa, graduadus sira ne’e sei koloka tuir sira nia munisipios origin no ministerio sei fo gratifikasaun (subsidio) atu fasilita sira nia servisu liu –liu transporte.
Nia hateten, subsidio ne’e foti husi orsamentu dua desimu maibe ministerio sei halo hela estudu ba iha montante ne’ebe sei fo ba kada ema ida –ida tuir sira nia kolokasaun (urbana no rural).
Iha parte seluk, Diretor Ezekutivu Institutu Nasional Saude (INS) Antonio Bonito hateten sira laiha planu atu halo formasaun ba iha professional saude foun sira ne’e , maibe ministerio iha planu atu fo formasaun ba sira antes koloka ba fasilidade saude.
“Formasaun ne’e mai husi rekursu humanu Ministerio Saude nian, ami laiha planu halo formasaun ba sira tanba ami nia orsamentu laiha,” nia hateten.
Nia dehan, sira hetan orsamentu dua desimu $4 mil kada fulan ne’e la sufsiente atu fo formasaun tanba ne’e formasaun barak liu apoiu husi parseiru dezenvolvimentu sira.
Entretantu, Bolseirus Felis dos Santos apresia ho inisiativa Ministerio da Saude nian ne’ebe dezenvolve programa regime internatu hodi fo oportunidade ba sira atu halo servisu iha fasilidade saude.
“Hanesan ema foun, presiza duni supervizaun husi mediku senhor sira atu sira bele fahe saida mak sira hatene hodi hametin liu tan ami nia konesementu, nune’e vaga iha ami bele aplika liu ami hatene ona servisu,” nia hateten.
Nia hateten, ho matenek no konesementu ne’ebe sira hetan durante estudu sira pronto atu servi povu sira, tanba estado investe ona ba sira ho osan povu nian. 

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter