ME Sei Aloka Fos Lokal 204 Toneladas Ba Merenda Eskolar

Ministerio Edukasaun (ME) sei aloka fos lokal 204 toneladas ba programa merenda eskolar ba eskola Ensino Baziku sira iha munisipio Dili.

Diretor Nasional Aksaun Sosial Eskolar, Belchior Maria Almeida Barros Guerra hateten fos lokal toneladas 204 ne’e aloka husi Ministeriu Komersiu e Industria hodi uza ba merenda eskolar nian.
“Sira fo mai Dili deit no uza ba semester ida nian, no ba oin depende ba ami nia proposta,” nia hateten, iha Dili.
Maibe ba fali fulan tolu ka ha’at mai ne’e, nia dehan sei husu tan atu distribui mos ba munisipio seluk koko to’ok ho fos rai.
Nia hateten, 60% fos importa ne’e distribui ba eskola sira iha 12 munisipius, enkuantu ba munisipiu fos lokal 40%.
Alende ne’e, nia dehan sira mos iha komunikasaun ne’ebe diak ho sentru logistic nasional e sira hakarak duni atu redus uza fos importasaun ba merenda eskolar.
Entretanto Sekretario Nasional rede edukasaun Timor- Leste Coalitiona for Education ( TLCE), Jose Monteiro konkorda tebes ho planu ida ne’e hodi uza fos lokal ba merenda eskolar nian.
“Ita tenke troka ita nia menu, troka karbon hidrat ne’ebe oferese husi rai liur durante ne’e, fos Timor diak liu,” nia hateten.
Nia mos, husu ba Ministeriu Edukasaun atu labele iha Dili deit, maibe mos ba eskola sira iha munisipiu sira seluk.
Iha sorin seluk Diretor Eskola Ensino Baziku Filial ( EBF), Rumbia Abilio Pereira da Conceião hateten fos 204 toneladas ne’e la to’o ba eskoal sira iha munisipio Dili.
“Iha hau nia eskola, iha periodo ida hetan tonelada rua ho balun, e ita fiar katak bele to’o ba eskoala sira iha Dili,” nia esperansa.
Nia dehan, kada alunu loron ida tenke hetan fos 75kg, no total estudante iha eskola tinan ida ne’e iha 750, entaun loron ida iha 500kg, loron ida karon rua ho balun.
Total estudantes iha eskola ne’e, tinan ida ne’e nian hamutuk 750 estudantes, mane 417 no feto 333.