UNDIL pronto atu hetan akreditasaun husi governu

“Hau hanoin to’o ona tempo ,to’o ona oras atu bele asesu educasaun ba ita nia povu, ami hein hela atu bele hetan akreditasaun ida ne’e, tanba ami nia preparasaun liu ona sufsiente katak en kualker oras, kualker tempu atu hetan akreditasaun,” hateten Reitor Cardoso, semana kotuk (16/02) iha Kampus UNDIL, Mascarenhas, Dili.

Tanba nia hatutan, rekomendasaun husi Ministerio Educasaun koalia katak tenki iha dosente kualifikadu iha S1,S2 S3 tenki iha fasilidade ,tenki iha bibleoteka no fasilidade sala iha 13 agora iha tan rua ba 15 planu sei loke tan sala rua ,edifisio nia laran tau hotu keramik ,sei uza fasilidade hotu para dosen hotu-hotu bele uza projector atu bele hanorin estudante .

“Biblioteka uluk laiha maibe agora iha ona atensaun husi Governo gabinete Primeiru Ministru asuntu ba Sosiadade Sivil mak ajuda sira gasta orsamentu hamutuk US$62.500,” Reitor Cardoso dehan.

Maibe Universidade simu deit uma foun koopersaun hamutuk Instituisaun hitu iha Timor Leste nia laran toamk hanesan Instituto of Business(IOB), Fundasaun Cristal, Etika Café Ermera, Formasaun Professores Baucau (Marista) Canossa no mos koperasaun Bibleoteka Nasional, Koperasaun ho Xanana Reading Room, koperasaun ho Embaxaida Indonesia.
Sira nia hakarak tenki redus tiha fakuldade ,departamentu iha 7 tama tan ho departamentu oral dentist ida ho nia dosente kompletu iha fakuldade siensia nia okos ne’ebe “Ami nia ema mos kompletu atu bele tama ba akreditasaun,” hateten tan Reitor Cardoso.

Iha Parte seluk Nicodemos Lopes nudar Estudante hateten katak “Ami nia dosente mos hateten ona katak uluk iha faze primeiru la liu atu tama ba akreditasaun tamba ekonomia la sufisiente Segundo mos hanesan la liu,” hateten tan Estudante Lopes.
Maibe terseiru faze ida sufusiente ona para prepara atu hetan mos akreditasaun no mos kona ba criteria ne’ebe tenki preinche atu hetan akreditasaun ne’e mos sufiseinte ona.

Entertantu Xefe Departamentu Licenciatura no Academi Vasco Viana hateten katak planu 2012 ne’e sei halo fali proseu ba Universidade ne’ebe seidauk hetan akreditasaun sei hatama fali proposta no pedidu fali depois sir abele liu sira sei sai hanesan fali hanesan Instituisaun balun agora mak hatama proposta.
“Hatama tiha proposta sei avaliasaun ba dokumentus, sei halo fali avaliasaun liu ka lae depois mak fo lisensa ba sira atu loke instituisaun ka Universidade,” hateten tan Xefe Departamentu ne’e.

Timor Leste agora sei sai hanesan licenciamentu ba Instituisional aban bainrua mak sei sai programatika instituisaun ne’ebe la liu ne’e hanaran programatika teni aselera no hadia sira nia a’an ne’e para Governo iha Politika atu halo prosesu ne’e ba sir a sira mos bele kopera atu bele hetan akreditasaun.