Fasilidade eskola kontinua menus, ME tenke responsabiliza

Relasiona ho eskola publiku sira ne’ebe kontinua menus faslidade meja-kadeira, membru Parlamentu Nasional (PN) Deputadu Estanislau da Silva husu atu Ministeriu Edukasaun (ME) atu hadia kestoens hirak ne’e nune’e estudante sir abele tuir prosesu aprendijazen ho diak.

“Orsamentu nebe maka aprova atu hadia kondisoens nebe diak ba labarik sira nia future tanba future labarik sira nian importante, ne’e duni governu tenki investe osan barak iha pais Educasaun hodi nune’e labarik sira hodi hatutan governasaun ho matenek atu haburas rai ne’e diak liu tan,” dehan Deputadu da Silva semana kotuk (08/02) iha PN.


Tuir eis Ministru Agrikultura ne’e, katak alende falta meja-kadeira, programa merenda eskolar mos la’o ladun diak.
Deputadu husi bankada Fretilin ne’e hatutan, ho falta de fasilidade eskola, liu-liu iha area rurais empede profesores no alunus sira atu hala’o sira nia knar no aprendijazen ho diak no susesu.
Hatan ba kestaun ne’e Ministru Educasaun João Cãncio Freitas dehan eskola sira kontinua menus meja no kadeira tanba volume estudante aumenta kada tinan.

“Keta haluha katak uluk hatama alunus matrikulares 67 % agora matrikular sae’e ba 91% alunus barak tan, recursu nafatin, klaru ke ita hadau malu tanba agora ne’e ho introdusaun ensinu basiku nebe maka universal husi martikular 67% sae’e to’o 91% cuandu orsamentu nebe maka aloka mai ami 90% claru ce ne’e la to’o,” hatan Ministru Freitas.


Tanba ne’e nia parte labele halo buat barak sein orsamentu, no tenke hein fali orsamentu foun. “Keta haluha mos tinan-tinan desde 2008 ami gasta 97% osan nebe maka fo ba Ministeriu ne’e la fila ida, gasta hotu kedas mesmu hanesan ne’e mos la to’o,” nia reforsa.