- Publika iha: 26 Agosto 2011
CAUCUS nia kompozisaun mak liu hosi membrus Rede Feto (RF) ne’ebe ke apoia liu feto atu partisipa iha vida politika atu oinsa feto sira mos bele foti desizaun iha sector hotu–hotu.
“Sira nia Direktora naran mana Eta sira agora halo hela servisu iha Maubara liu liu atu fo informasaun no fahe informasaun, treimamentu prepara feto potensial sira atu bele compete iha elisaun atu tur iha posizaun xave iha Parlamentu Nasional, tur iha posizaun iha lider komunitaria,” Informa Presidente Rede Feto, Iveti De Oliveira, durante Enkontru Nasional kona-ba feto Iha politika, iha salaun Canosiana Becora Dili, iha semana hirak liu ba.
Tuir nia, Caucus, hanesan mos Rede Feto, servisu hamutuk ho Komisaun Nasional ba Eleisoesn (CNE) atu prepara feto maluk sira atu partisipa iha sikly eleisauin iha tinan oin 2012.
“Hanesan Membru Rede Feto, CAUCUS servisu makas, hanesan Rede Feto, ami sempre fo apoia ba membru sira nebe halo servisu forti I para hatutan, hadiak no habelar diak liu tan informasaun,” hateten Prezidente RF Oliveria.
Nia haktuir katak hanesan Rede Feto nia moto, Unidade na Diversidade, katak fahe organizasaun membru iha Rede Feto nia laran fahe iha ida-idak ho nia programa.
“Hanesan Fundasaun Alola, hare liu ba saude inan ho oan, FOKUPERS hare liu ba Violensia Domestika liu-liu ba haree ema vitima sira ne’e. Depois CAUCUS hare liu ba feto iha politika. FETO KIK servisu halai liu ba parte ekonomia, depois OPMT. Ida-idak ho nia programa maibe hanesan feto hotu-hotu hamutuk a’an iha rede Feto Para atu haforsa nia lian.”
Entertantu Yasinta Lujinha, Directora Exekutivu Rede Feto hateten mos katak RF no moa CAUCUS durante ne’e fo apoia no kapasita no fo formasaun ba feto sira hodi hakbiit sira bele partisipa diak liu no hala’o sira nia kna’ar ho kapasidade tomak wanhira sira tama partido politiku, nomos sira involve iha Guverno no parlamentu nudar lideres.
“Agora dadaun ami iha planu atu hakbiit sira diak liu tan atu hatene knar hanesan Parlamentu Nasional, Guvernu, atu waihira sira tama ba, sira hatene ona saida mak sira halo. Ida ne’e mak ami nia planu atu halo hamutuk ho sira ates tama ba elisaun 2012 tinan oin mai atu nune’e bele prepara sira nia a’an atu tama ba iha elisaun.”