Quarta, Fevereiro 21, 2018
Total visitors: 196559

Rede Feto (RF) Timor –Leste nafatin bolu atensaun ba Partidu Politiku (PARPOL) sira atu involve feto potensial sira iha estrutura governu nian, karik mosu mudansa iha formasaun governu.

Rede Feto apela ba Partidus Politiku atu involve feto potensial sira iha estruturas governu nian.

Prezidente Rede Feto (RF), Judith Ximenes hateten atu asegura involvimentu feto maximu iha estrutura governu nian, partidu politiku sira tenke involve feto barak iha estrutura partidu no prosesu servisu partidu nian.
Nia dehan, esperiensia anterior hatudu katak bainhira manan tiha iha elisaun, partidu politiku sira laiha lista feto potensial ne’ebe atu tur iha kargu governante e nafatin domina husi mane.
“Ita nia hakarak prosesu tomak iha partidu politiku sira nia servisu, feto nia prezensa tenke 30% atu nune’e feto bele hetan oportunidade tama iha governasaun, la’e susar,” nia hateten, iha salaun Maria Gorrete Kaikoli, Dili.
Nia hateten, Rede Feto iha responsabilidade atu prepara feto sira sai lideransa liu husi formasaun sira, maibe la prepara lista feto potensial tanba ida ne’e responsabilidade partidus nian.
Nia dehan, esforsu movimentu feto nian mak halo advokasia ba partidus politiku atu konsidera mos kuota 30% iha servisu partidu politiku sira nian, ida ne’e mak bele asegura feto nia involvimentu iha vida politika aas.
Iha parte seluk, Sekretaria Estado Igualidade Jeneru e Inklusaun Sosial (SEIJIS) Laura Menezes Lopes apresia ho servisu movimentu feto sira nian, ne’ebe hatudu iha progressu ba involvimentu feto iha vida politika.
Nia dehan, governu iha komitmentu atu servisu hamutuk ho organizasaun feto sira hodi prepara feto iha pozisaun importante sira iha rai laran.
“Ami sei haree kooperasaun ida ne’e, oinsa atu hakbi’it maluk feto sira ne’ebe hakarak partisipa iha vida lideransa nian,” nia hateten.
Nia hateten, sira seidauk iha lista ba feto potensial sira, maibe feto barak mak iha kapasidade intelektual no vontade atu kontribui ba iha prosesu dezenvolvimentu pais nian.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter