Sexta, Fevereiro 23, 2018
Total visitors: 196818

Diretora organizasaun Forum Komunikasaun Feto Timor Lorosa’e (FOKUPERS), Marilia Alves hateten falta saneamentu baziku iha eskola sira sai obstaklu bo’ot ba iha estudantes feto atu tuir prosesu aprendizajen kompletu.

Diretora FOKUPERS, Marilia Alves hateten saneamentu baziku iha eskola sira seidauk benefisia ba estudantes feto, liu-liu bainhira iha tempu periodu nia laran.

Tanba realidade, nia dehan estudantes feto barak mak husik eskola (fila uma la mai fali) tanba sira presiza ba haris fatin liu-liu iha tempu menstruasuan, e eskola laiha haris fatin.
“Nesesidade hanesan bee moos no saneamentu ba feto diferente ho mane sira, tanba bainhira sira iha faze mensturasaun sira presiza bee moos atu troka no bainhira uza haris fatin presiza bee moos ne’ebe livre husi microbios,” nia hateten iha servisu fatin Farol, Dili.
Nia dehan, estudantes feto nia nesesidade ne’e tenke tau iha kosiderasaun, tanba sira nia orgaun reprodutivu ne’e sensitive tebes, presiza asegura higiene atu evita moras.
Nia hateten, maioria eskola iha rai laran kondisaun saneamentu baziku ladun diak hanesan haris fatin laiha odamatan, intupidu, bee laiha no seluk tan.
“Ema fo liu importante ba iha kurikulum no rekursu humanu (profesores), maibe bee no saneamentu ne’e ladun fo priroidade,” nia kestiona.
Nia dehan, problema sira ne’e kontribui ba iha numeru feto hodi sai eskola barak tanba sira lakon interese ba eskola, numeru asediu seksual iha eskola aas tanba haris fatin feto no mane hamutuk deit.
Iha tinan kotuk (2017), FOKUPERS hetan fiar husi governu no parseiru dezenvolvimentu The Asia Foundation (TAF) halo auditorio social ba munisipio balun kona ba asesu bee moos no saneamentu iha eskola.
Iha parte seluk, Diretor Eskola Ensino Sekundario Herois da Patria Becora Jose Dias hateten sira lahalo separasaun ba utilizasaun haris fatin entre feto no mane, tanba kondisaun limitadu.
“Ami iha haris fatin rua deit ba komun katak alunus feto, mane inklui professor/a sira uza hamutuk deit la halo separasaun,” nia hateten.
Kona ba bee, nia dehan dala ruma bee la mai maibe jeralmente bee iha no sufsiente atu utilize iha eskola.
Nia rekonese, katak durante ne’e akontese problema ki’ik sira hanesan estudante barak eharis fatin rua deit, entaun tenke hein kleur, maibe problema bo’ot sira laiha.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter