DNRS Fo Apoiu Finanseira Ba Vitima Bazeia ba Jeneru 259

Diresaun Nasional Reinsersaun Sosial liu husi Unidade Promosaun no Protesaun ba Feto (UPPF) fo apoiu finanseira ba vitima Violensia Bazeia ba Jeneiru (VBJ) hamutuk nain 259 ne’ebe vulneravel liu iha 13 distritu nune’e sir abele responda ba sira nia nesesidade durante sira hasoru problema ne’e.

Numeru VBJ 259 ne’e kompostu husi tinan 2010 ho total benefisiariu 63, 2011 iha 130, no iha 2012 fulan Janeiru to’o Junu iha 66 e vitima vuneravel sira ne’e hetan apoiu finanseiru direitamente.
“Ami la atende direitamente ba vitima sira maibe liu husi uma mahon sira ne’ebe estabelese ona, inklui mos vitima sira ne’ebe presiza atendimentu emergensia, ami fo atendimentu direitamente liu husi OPL sira iha 13 distritus,” dehan Xefe Departamentu Protesaun ba Feto, Joana da Cunha, (08/08), iha nia knar fatin Bemori, Dili.

Apoiu ne’ebe fo ba vitima sira ne’edepende balun fo US$100, balun fo $200, $ 500, e balun mos hetan deit $ 50, e osan ne’e sira bele uza durante trata sira nia kazu, uza ba nesedade uma laran iha prosesu nia laran.”ba sira ne’ebe hela iha uma mahon, ami fo liu husi uma mahon ne’ebe sira hela ba,” Xefe da Cunha katak.

Alende ba vitima, fo mos apoiu finanseira ba familia vulneravele ne’ebe halo tratamentu saude iha rai laran hamutuk ema nain 269, e dadus ne’e hahu 2010 to’o fulan Junu tinan ne’e.

Iha parte seluk Grupu Feto Parlamentar GFP), Deputada Josefa Alvares Soares katak, ne’e inisiativa diak ne’ebe ministeriu relevante ne’e halo ba vitima VBJ.

“Hau hare durante ne’e MSS iha programa klaru tebes kona ba asuntu ida ne’e nia sempre fo atendimentu nafatin ba vitima sira direitamente no liu husi parseirus sira hanesan uma mahon,” dehan Deputada Soares.