Sábado, Fevereiro 24, 2018
Total visitors: 196962

Eis Prezidente da Repulika Jose Ramos Horta, sente triste haree ba kondisaun jornalista Timoroan sira ne’ebe simu deit salario minimu, tanba la konsege hadia sira nia moris.
Nia rekonese, katak media sira iha Timor –Leste difisil tebes atu selu jornalista ho diak liu tanba kondisaun.

Eis Prezidente da Republika, Jose Ramos Horta sente triste tanba jornalista Timoroan simu deit salariu minimu.

“Hau sente triste, kuandu hau haree jornalista sira manan osan oituan, ita nia politika sira iha parlamentu, hau rekonese hotu-hotu matenek, sira ba munisipio perdiam $50 mai tur iha parlamentu simu tan kuaze hamutuk $5 mil, enkuantu ita nia jornalista sira manan deit $120, ne’e mak hau triste,” nia hateten iha serimonia atribuisaun Karteira Professional ba Jornalista sira, iha Delta Nova, Dili.
Nia hateten, governu tenke haree mekanismu ida aplika tuir realidade, tanba iha nasaun barak media balun hetan apoiu husi governu no hatama reseita ba governu.
Nia husu, mos governu atu iha tinan ruma fo mos subsidio ba media sira ne’ebe hatudu ona sira nia sakrifisio, estabilidade durante tinan lima nia laran atu sira bele hadia sira nia kondisaun.
Portantu, nia mos apela ba jornalista sira atu kaer metin ba kodigu etika jornalista hanesan Biblia ida atu hala’o knar jornalismu nian iha Timor –Leste.
Nia hateten, kuandu jornalista sira halo faktus sala bele provoka violensia maibe politiku nain sira mak halo faktu sala, sei fo konsekuensia ba ema barak liu –liu lakon osan, programa lala’o no seluk tan.
Entretantu, Prezidente Konselho Imprensa Timor –Leste (KI) Virgilio Guterres rekonese situasaun ida ne’e no husu media nain sira atu iha konsiderasaun, liu –liu fasilta servisu jornalista sira nian.
“Husu mos ba media nain sira, atu tau mos atensaun ba iha jornalista sira no fasilita sira atu hala’o servisu ho profesionalismu,” nia husu.
Alende ne’e, apela mos ba jornalista sira atu labele simu perdiem husi instituisaun publiku sira bainhira halo kobertura, maibe husu ba instituisaun media ne’ebe haknar aan ba atu selu perdiem rasik.
Tanba, nia dehan ho ida ne’e mak jornalista sira bele halo reportajen ida ne’ebe balansu no mais kritiku.
Nia informa, konselho sei esforsu buka meus hodi apoiu instituisaun media sira intermus fo kapasitasaun ba jornalista sira.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter