Sábado, Fevereiro 24, 2018
Total visitors: 196962

Servisu Autonomia Medikamentus e Ekipamentus Saude (SAMES) halo destroisaun (sunu) aimoruk items 70 ne’ebe expire ka prazu liu ona no kualidade ladiak ona, iha fulan kotuk Dezembru 2017.

SAMES sunu aimoruk items 70 tanba prazu liu ona no mos laiha ona kualidade.

Diretora Ezekutivu SAMES, Odete Maria Belo hateten kada tinan sira halo destroisaun ba iha aimoruk tanba aimoruk items balun sosa ho kuantidade bo’ot nesesidade sentru ki’ik.
Nia dehan, aimoruk items 70 ne’ebe atu halo destroisaun ne’e barak liu mak aimoruk antibiotika Seftriaxone, Tetramecina, aimoruk malaria, vasina Difteria Tetanus Pertuses (DPT), Hepatitis, Sarampu e rubella.
“Kada fulan ne’e sempre iha items balun ne’ebe kontinua expire, bainhira kuandu fasilidade saude sira halo pedidu ho kuantidade ki’ik no la halo pedidu,” nia hateten iha servisu fatin Kampung Alor Dili.
Nia dehan, bainhira halo kalkulasuan orsamentu ba aimoruk items 70 ne’e hamutuk $600 mil.
Nia hateten, aimoruk sira ne’e barak liu sosa iha tinan 2014 no iha items ida (antasida) mak sosa iha tinan 2017, maibe kualidade ladiak ona tanba kondisaun armagen liu –liu bainhira ahi mate.
Alende aimoruk, sira mos halo destroisaun ba iha kondom, suplementu nutrisaun no aimoruk antiretroviral (ARV) ne’ebe hetan doasaun husi Global Fund.
Nia informa, aimoruk estragados tinan ida ne’e ki’ik kompara ho tinan kotuk tanba tinan kotuk iha items barak ho montante osan hamutuk $800 mil.
Iha parte seluk, Diretor Ezekutivu Asosiasaun Direitus Humanu (HAK) Manuel Monteiro lamenta ho kestaun ida ne’e, tanba iha fulan hira liu ba fasilidade saude sira falta aimoruk obrigado povu tenke hasai osan sosa aimoruk.
Nia dehan, “saude ne’e direitu fundamental povu nian ne’ebe mak estado lahakonu sidadaun bele mate.”
Nia haktuir tan katak, estado liu –liu orgaun ezekutivu tenke halo justifikasaun ba povu tanba sa fulan hira liu ba povu hasai osan sosa aimoruk no ikus mai osan povu nian ho montante ne’ebe bo’ot ba sunu saugati.
Nia hatutan, estado iha obrigasaun atu hakonu direitu fundamental sira povu nian tanba estado ratifika ona konvensaun internasional direitu ekonomia, social e kultura hanesan lei ida.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter