Domingo, Fevereiro 18, 2018
Total visitors: 196199

Ministru Saude, Rui Maria de Araujo hateten to’o iha fulan Dezembru 2017 ministerio nia dividas iha ospital estrangeirus ho montante $4 miloens, e ho orsamentu duadesimu bele apoiu selu dadaun ona hodi hein orsamentu foun.

Ministeriu da Saude sei iha dividas $4 miloens no ministeriu bele selu dadaun ona ho orsamentu duadesimu ne’ebe iha hodi hein orsamentu foun.

Nia dehan, iha fin do ano ministerio konsege halo transferensia interna hodi selu ona dividas balun, maibe sei hela $4 miloens no aumenta tan iha fulan Janeiru 2018 nian.
“Klaru orsamentu ne’e nafatin la sufsiente, maibe ministerio buka atu kontinua halo pagamentu ho orsamentu ida ne’e, nune’e ospital sira nafatin fasilita no simu ita nia populasaun ne’ebe presiza sira nia atendimentu,” nia hateten iha salaun Ministerio iha Palacio da Sinzas, Dili.
Alende ne’e, nia dehan orsamentu ne’e mos sei utilize apoia prestasaun servisu da saude iha nivel hotu no garantia distribuisaun aimoruk ne’ebe fasilidade saude sira presiza.
Nia informa, orsamentu duadesimu ba Ministerio Saude ho montante $3.6 miloens la inklui ho orsamentu ba Servisu Autonomo Medikamentus e Ekipamentus SAude (SAMES) no Ospital Nasional.
Nia dehan, orsamentu ida ne’e sei koresponde deit ba iha salario vensimentu, bens servisu no transferensia publiku.
Iha parte seluk, Prezidente Komisaun F (saude, edukasaun e asuntu social) Membru Parlamentu (MP) Jose Agustinho da Silva hateten tensaun politika bele la’o, maibe importante tenke esforsu haree asuntu sira ne’e ho seriu no neutru, hodi labele prejudika povu nia moris.
“Ita hotu nia hanoin mak oinsa buat hotu la’o diak, liu –liu ita nia pasiente sira bele hetan tratamentu ne’ebe diak, asesu ba aimoruk ne’ebe sufsente,” nia hateten.
Kona ba transferensia moras, nia dehan Ministerio Solidaridade Sosial mos iha orsamentu atu fo atendimentu ba iha veteranus sira no Ministerio da Saude mos iha orsamentu duadesimu atu responde ba iha asuntu ida ne’e, entaun orsamentu sufsiente hela.
Nia sujere, iha situasaun emergensia ruma ne’ebe ministerio laiha osan, bele asina akordu iha ho ospital sira atu kontinua fornese atendimentu ba Timor oan sira ne’ebe presiza atendimentu ba sira nia saude.

E-mail Subscription

Enter your email address:

    Poll

    Nothing found!

    Follow us on Twitter