Domingo, Fevereiro 18, 2018
Total visitors: 196199

Iha semana primeiru fulan Janeiru 2018, labarik ida lakonsege salva nia vida (mate) iha Sentru Saude Comoro (SSC), tanba sofre moras diarea grave no familia lori tarde ba fasilidade saude no ba hospital nasional HNGV.

Xefe Suku Comoro Eurico da Costa de Jesus preokupa ho situasaun ida ne’e tanba kazu ne’e kada loron aumenta beibeik.

Responsavel Tubercolouse no Vijilansia Sentru Saude Comoro, Enfermeiru Vicente Quintão hateten kada tinan bainhira udan monu rai frekuensia moras dengue mak aas, maibe tinan ida ne’e moras diarea sai indemiku ho frekuensia ne’ebe maka’as tebes.
Nia dehan, iha fulan Otubro to’o Dezembru tinan 2017, registu kazu diarea hamutuk rihun rua nulu resin, no konsege hetan susesu iha tratamentu.
Portantu, iha fulan Janeiru tinan 2018 kontinua registu kazu diarea hamutuk atus tolu (300) resin maioria labarik no nain ida mate, tanba tarde asesu ba fasilidade saude.
“Husu ba ema hotu ne’ebe hetan moras diarea, liu –liu labarik sira labele demora iha uma, tenke lori lalais ba fasilidade saude atu hetan tratamentu,” nia hateten iha servisu fatin Comoro, Dili.
Nia hateten, moras diarea ne’e fasil atu prevene liu husi hatoman aan fase liman ho sabun antes han, hemu bee ne’ebe livre husi bacteria, taka hahan atu vector (lalar, laho, barata) labele hobur.
Diarea, mak moras infeksaun stomagu ne’ebe kauza husi konsumu hahan ne’ebe kontaminadu ho bacteria E coli.
Nia informa, ho frekuensia kazu ne’ebe maka’as, fo mos implikasaun ba iha problema seluk hanesan malnutrisaun tanba labarik ne’ebe sofre diarea ho tempu ne’ebe naruk ho suplementu ne’ebe konsumu ,la prosesa ho diak halo ema isin bele tun.
Iha parte seluk, Xefe Suku Comoro Eurico da Costa de Jesus preokupa ho situasaun ida ne’e tanba kazu ne’e kada loron aumenta beibeik.
Nia dehan, fulan hirak liu ba sira halo ona kampanha bo’ot ida kona ba fase liman ho sabun hodi prevene moras diarea iha suku laran, komunidade foti asaun ida ne’e tau iha pratika moris lor-loron.
“Parte saude presiza halo sosializasaun ida ne’ebe forte no regularmente atu bele kombate moras sira hanesan diarea, dengue, malaria no Inspesaun Respiratoriu Alto (ISPA) iha suku laran,” nia hateten.
Iha oportunidade ne’e, lideransa local ne’e apela ba komunidades suku hitu iha postu Administrativu Dom Aleixo, atu hola responsabilidade ida ne’e hodi halo prevensaun liu husi kontrola oan sira nai hahan atu labele kontamina no halo limpeza jeral iha bairo laran tanba governu sei iha inserteja nia laran laiha programa ida ne’ebe serteja atu implementa hodi responde ba iha situasaun sira ne’e.

E-mail Subscription

Enter your email address:

    Poll

    Nothing found!

    Follow us on Twitter