Segunda, Fevereiro 19, 2018
Total visitors: 196285

Hafoin hein tinan barak nia laran, joventude Timor-Leste haksolok tanba iha ona politika nasional joventude nian rasik.

Prezidente CNJTL, Maria Dadi Magno sente urgulho tanba felismente sira iha ona politika nasional joventude nian.

Prezidente Conselho Nasional ba Joventude Timor-Leste (CNJTL), Maria Dadi Magno hateten ne’e orgulhu bo’ot ida ba iha joventude sira, tanba durante ne’e laiha poitika ida ne’e.
“Orgullu bo’ot ba juventude Timor-Leste, tanba ita iha ona politika nasional joventude nian,” nia hateten, iha serimonia lansamentu livru Politika Nasional Joventude, iha Dili.
Antes ne’e, nia hateten, Sekretariadu Estadu Joventude no Desportu servisu hamutuk ho CNJTL hala’o konferensia haleu munisipius 13 hodi analiza situasaun iha area lima maka sai prioridade; joventude iha edukasaun, saude, empregu, partisipasaun iha edukasuan sivika no krime ho violensia.
Tuir nia, lansamentu livru ba politika nasional joventude ne’e sai ona baze legal ida ba rezolusaun governu nian ho No 27/2016 kona ba figura joventude nian.
“Ita iha esperansa ona, katak figura ne’ebe deit mak mai tenke hateke ona ba politika nasional juventude ne’ebe mak iha,” nia esperansa. “Ita fo enfaze liu ba iha joventude sira ne’ebe iha problema ho kualidade edukasaun no saude juvenil, ho oportunidade ne’ebe hanesan liu-liu ba joven sira ne’ebe iha area rural ne’ebe la asesu informasaun no barak mak para eskola no la eskola mak dezempregu.”
Iha sorin seluk, Joventude Anastacia da Costa apresia tebes ho servisu Conselho Nasional Joventude nian, tanba bele aumenta joven sira nia hanoin no kapasidade iha area hotu bazea ba politika ne’ebe mak iha ona.
“Hau agradese ba Conselho Nasional Joventude ba politika ne’ebe kria ona mai ami no mos ba Sekretario Estadu Joventude Desporto ne’ebe mak fo ona buat barak mai ami jovens, ” nia agradese.
Entretantu Program Manager organizasaun Forum Tau Matan (FTM) Evaristo de Deus hateten politika ne’ebe mak estabelese husi Konselho Nasional Joventude ne’e diak ba jovens hodi la’o tuir politika ne’ebe iha.
“Husu ba joven sira ne’ebe mak iha talento kona ba desporto no muzica no saida deit ne’ebe mak imi iha, labele moe, mai kompete ho maluk sira no mos labele moe atu hakbesik aan ba Conselho Nasional Joventude,” nia enkoraja.

E-mail Subscription

Enter your email address:

    Poll

    Nothing found!

    Follow us on Twitter