Terça, Fevereiro 20, 2018
Total visitors: 196422

Governu liu husi Komisaun Nasional Seguransa Aihan no Nutrisaun (KONSSANTIL) hala’o sorumutu ho organizasaun non-governmental sira halo avaliasaun ba progresu servisu no diskute planu kontinuasaun ba implementasaun Planu Asaun Nasional Hakotu Hamlaha no Malnutrisaun iha Timor-Leste (PANHAM-TIL).

Governu hamutuk ho parseirus halo avaliasaun ba progresu servisu hakotu hamlaha no nutrisaun nian.

Xefe Departamentu Seguransa Aihan (DSA) Ministerio Agrikultura e Peskas (MAP), Rofino Soares Gusmão hateten objetivu prinsipal husi sorumutu ne’e mak atu husu sosiedade sivil sira nia hanoin ba implementasaun PANHAM-TIL iha futuru mai, tanba NGO barak servisu iha area seguransa aihan nian.
Depois governu lansa PANHAM-TIL iha tinan 2014, nia hateten komisaun KONSSANTIL hahu halo konsultasaun ho linha ministerios, sosiedade sivil hodi hahu implementa atividade balun iha suku pilotu sira.
Nia hatutan, suku pilotu hanesan suku Afasa postu administrative Quelekai munisipio Baucau, suku Dau-Udu, postu administrative Cailaco, munisipio Bobonaro, suku Fahi-Nehan, postu administrative Fatuberliu munisipio Ainaro.
“Ita hakarak oinsa halo atividade ida ne’ebe integradu husi linha ministerio sira, hodi responde ba iha planu ne’ebe ita iha ona liga ba seguransa aihan no nutrisaun,” nia hateten iha edifisio FONGTIL Kaikoli, Dili.
Maske progresu ne’ebe KONSSANTIL halo seidauk signifikante, maibe nia dehan iha mudansa balun ne’ebe hatudu iha komunidade, suku pilotu sira hanesan komunidade sira utilize ona kintal hodi kuda aihan hirak ne’ebe iha valor nutrisaun, komunidade sira iha ona konesementu kona ba aihan nutriente no saudavel.
Nia hatutan, atu muda komunidade sira nia hanoin ne’e presiza tempu, maibe nafatin enkoraja sira atu kuda aihan sira ne’ebe iha valor nutrisaun no oinsa utilize aihan sira ne’e ba iha familia laran, la’os depende ba iha aihan importasaun sira.
“Halo kampanha ba komunidade, oinsa utilize aihan ne’ebe iha rai laran tanba realidade ita barak ignora tiha aihan ne’ebe ita produs rasik,” nia hateten.
Nia hatutan, intervensaun ne’ebe KONSSANTIL halo mak halo edukasaun promosaun, dezenvolve kintal familia no distribui fos, tanba iha suku Dau-Udu laiha produsaun fos, maibe iha batar.
Nia hateten, total uma kain ne’ebe sai benefisiario ba iha programa pilotu ida ne’e hamutuk 900 resin husi suku tolu.
Atu atinji metas ida ne’e, nia dehan presiza servisu ne’ebe integradu entre ministerio sira tanba realidade iha suku pilotu tolu ne’e, hatudu komunidade sira laiha bee moos no susar asesu ba estrada.
Iha parte seluk, Diretor Ezekutivu FONGTIL Arsenio Pereira da Silva hateten sosiedade sivil iha papel importante tebes ba iha dezenvolvimentu nasaun no bens estar populasaun nian.
Nia dehan, politika hakotu hamlaha no malnutrisaun iha Timor –Leste ne’e diak tebes, maibe presiza servisu ida ne’ebe integradu hodi responde ba iha metas ida ne’e liu –liu produsaun ne’ebe sufsiente, asegura aihan ne’ebe povu konsumu saudavel no seguru.
“Ita Timor hahan sempre iha, so ke falta nutrisaun tanba ita iha hanoin ida, katak importante mak han bosu, la haree ba iha balansu nutrisaun,” nia hateten.
Nia hatutan, sosiedade sivil iha rede agrikultura sustentavel ne’ebe forte tebes hahu husi nivel baze to’o mai nasional ne’ebe durante ne’e hala’o servisu apoiu tekniku ba agrikultor sira, halo edukasaun ba komunidade sira kona ba nutrisaun no seluk tan.

  • Ter
    Fev
    20
    2018
    Feto Husu PARPOL Sira Garantia Paz no Estabilidade
    Eleitores feto sira husu ba lider Partido Politiku sira atu garantia situasaun paz no estabilidade durante prosesu elisaun antisipada nian la’o to’o elisaun remata, hodi asegura feto sira nia partisip...
  • Ter
    Fev
    20
    2018
    Ema Nain 77 Maka Tau Matan Falsu
    Pasiente matan nain 77 mak obrigado matan sorin tenke uza matan falsu, tanba sira nia matan ladiak ona no labele salva, dadus Sentru Matan tinan 2017. Pasiente matan hamutuk 77 mak uza ona matan f...
  • Ter
    Fev
    20
    2018
    ME Sei Aloka Fos Lokal 204 Toneladas Ba Merenda Eskolar
    Ministerio Edukasaun (ME) sei aloka fos lokal 204 toneladas ba programa merenda eskolar ba eskola Ensino Baziku sira iha munisipio Dili. ME aloka fos lokal toneladas 204 ba eskola ensino baziku sir...
  • Ter
    Fev
    20
    2018
    Ema Nain 26 Tuir Formasaun Jestaun Apoiu Emergensia
    Oficial logistika no armagen nain 26 tuir formasaun kona ba jestaun kadoras fornesementu no emerjensia lojistika hodi fo asistensia ne’ebe rapidu ba iha vitima dezastre naturais sira ne’ebe akontese i...
  • Ter
    Fev
    20
    2018
    ME Fo Apoia Emergensia Ba Escola 4 Iha Ainaro
    Ministeriu Edukasaun liu husi Diresaun Nasional Asaun Sosial Escolar (DNASE), fo apoia emergensia ba escola hat iha munisipiu Ainaro tanba hetan estragus husi anin bo’ot ne’ebe akontese foin lalais ne...

E-mail Subscription

Enter your email address:

    Poll

    Nothing found!

    Follow us on Twitter