Segunda, Fevereiro 19, 2018
Total visitors: 196285

Sentru integradu ba Emprendorismu, Emprego no Vozes ba Jovem sira Timor-oan ho naran Knua Juventrude Fila Liman (KJFL) loke tiha ona iha kaptial Dili,iha area Pateo nian iha UNTL-Liceu oin, hodi fo suporta no motiva jovem sira atu hanoin no loke negosio hodi ajuda haburas tan setor privadu iha rai laran.

Sentru integradu ba Emprendorismu, Emprego no Vozes ba Jovem sira Timor-oan ho naran KJFL loke tiha ona iha kaptial Dili,iha area Pateo nian iha UNTL-Liceu oin, hodi fo suporta no motiva jovem sira atu hanoin no loke negosio hodi ajuda haburas tan setor privadu iha rai laran.

KJFL inisiativa iha hosi ajensia internasional ONU nian PNDU servisu hamutuk ho Gabinete Primeiru-Ministru no ministerius no instituisoens relevante Governuno Estadu nian.
Primeiru-Ministru Dr Rui Maria de Araújo mak ofisialmente inaugural espasu ba joven Timor-oan emprezariu foun ida ne’e akompaña hosi Sekretariu Estadu Juventude no Desportu nian Leovigildo Hornay.
“Ha’u sente honradu tebtebes hamrik iha ita-bot sira nia oin liu-liu joven sira ne’ebé hato’o sira ninia testamunha kona-ba espiritu emprendendor durante ida ne’e hodi motiva liu tan joven sira seluk atu partisipa iha prosesu ne’e,” hatete Primeiru-Ministru durante diskursu abertura hafoin inaugura sede Knua Juventude Fila Liman.
Xefe governu haktuir tan katak preokupasaun a’as hosi partes hotu kona-ba Timor-Leste nia ekonomia depende deit ba setor mina no gas nian no katak presiza iha aksaun konkreta hodi diversifika ekonomia, no katak lansamentu KNFL nudar passu konkreto ho motiva jovem sira hodi loke negosiu iha areas ne’ebe presiza no ajuda hametin liu tan sector privado nasional nian.
“Ita buka dadauk ona hases a’an husu independensia oliu no gas hodi nune’e ita bele difersifika ita nia ekonomia liu-liu iha setor produtivu,” ka tuir tan Primeiru-Ministru Araújo.
Tuir dadus demográfikus 60% populasaun total millaun 1.3 Timor-Leste nian mak tinan 25 anos mai kraik. Tinan-tinan Timor-Leste presiza kria besik 15.000 vagas servisu foun atu responde ba numeru jovem sira ne’ebe buka hela servisu, maske nune’e realidade mak tinan-tinan merkadu traballu konsegue deit kria 2.000-3.000 vagas servisu foun. Servisu publiku mak sei empregador bo’ot liu iha Timor-Leste.
Projetu dezenvolvimentu ida ne’e inisia hosi PNUD mos sei suporta jovem Timor-oan nia partisipasaun ativu iha diversifikasaun ekonomika rai laran nian.
“UNDP kontente tebes bele suporta Governu Timor-Leste, ho nia ajensias no instituisoens, no atu mos servisu hamutuk ho setor privadu kona-ba inisiativa importante ida ne’e. Populasaun jovem barak los, no ita hotu tenki fo asistensia ba no servisu ho juventude Timor nian atu dezenvolve sira nia abilidade emprendorismu no motiva sira atu harii negosiu ne’ebe hetan sussessu no sai sustentavel. Ho nune’e bele mos kria mos kampu de traballu ne’ebe Timor presizalos,” hatete mos Diretor PNUD iha Timor-Leste, Claudio Providas.
Iha okaziaun hanesan jovem emprendedores nain rua mos fo sira nia testemuñu kona-ba oinsa no tanba saida mak sira desidi atu buka loke negosiu rasik.
Jovem emprezaria feto Silvia Correia de Araujo iha nia testemuñu hatete katak nia harii nia negósiu iha area hakiak ikan tilapa iha munisipius aat ona atu “ita presiza produz hahan ikan ita nian hodi nune’e lalika importa tan husi liur.”
Jovem emprezaria ne’e mos reforsa mensajem katak atu jovem ka se-se deit mak atu loke negosiu ida iha Timor-Leste lalika ba universidade ka kompleta eskola bo’ot tan ba nia rasik seidauk ba universidade maibe konsegue ona loke nia negosiu rasik no mos fo emprego ba ekipa ida ne’ebe inklui graduadu universitariu nain ida.
Nia mos refleta kona-ba esperiensia seluk ne’ebe nia sai oradora prinsipal iha eventu emprendorismu ida iha zona especial Oe-cussi no kestiona tanba sak mai nia mak tenki semo hosi Dili ba Oe-cusse atu koalia no motiva jovem sira kona-ba saida mak emprendorismu no oinsa loke negorisu.
“Hau sadik joven sira atu aban bainrua imi ida, ka jovem feto iha hosi Oe-cusse rasik mak mai iha ne’e koalia,” haktuir tan nia.
Knua Juventude Fila Liman servisu hamtutuk ho PNUD no mos ajensias no instituisaun responsavel kona-ba emprendorismu, assessu ba kretidu, no formasaun iha Timor-Leste, inklui Instituto de Apoioao Desenvolvimento Empresarial IADE, Secretaria do Estado para a Política de Formação Profissional e Emprego SEPFOPE, Servico de Registo e Verificacao Empresarial SERVE, no mos Banco Nasional de Comercio Timor-Leste BNCTL, ne’ebe sei aloka sira nia funsionárius raisk atu fo atendimentu no informasaun ba jovem ruma ne’ebe iha idea viável ruma atu loke negósiu rasik.
KJFL sei fo mos formasaun, halao seminariu, no inklui dialogo virtual atu enkoraja peskiza no lideransa no fo abilidades atu promove jovem Timor-oan sira nia lia nia partisipasaun iha dezenvoimentu setor privadu iha Timor-Leste. Jovem sira ne’ebe assessu rekursus sentru ne’e nian mos sei bele hetan assessu gratuitu ba internet liu hosi parseria ida ho kompañia telekomunikasaun Telmor.

E-mail Subscription

Enter your email address:

    Poll

    Nothing found!

    Follow us on Twitter