Segunda, Fevereiro 19, 2018
Total visitors: 196285

Komandante Polisia Munisipiu Dili, Superintendente Asistente Euclides Belo husu ba inan-aman sira atu tau atensaun maximu ba oan sira hodi labele haris no halimar iha mota laran bainhira tempu udan, tanba risku ba vida.

Komandante Euclides Belo husu ba inan-aman sira atu kuidadu oan sira, labele halimar iha mota laran iha tempu udan.

“Ami halo ona aprosimasaun ba komunidade sira, liu-liu iha munisipiu Dili tanba agora tempu udan, inan-aman sira tenke kontrola ita nia oan sira labele halimar iha mota ninin, tanba bele fo perigu ba sira nia vida,” nia apela, iha nia knar fatin Kaikoli, Dili.
Alende ne’e, nia mos husu atu labele halimar iha tasi ibun wainhira tempu udan bo’ot inklui mota ninin sira hodi evita dezastre ne’ebe la espera.
Apela mos, ba komunidades ne’ebe mak hela iha mota no tasi ninin atu neon nain bainhira udan bo’ot.
Enkuantu, komunidade Bendita Saldanha Babo hateten inan-aman iha repsonsabilidade bo’ot hodi hatene no kontrola oan sira iha kualker tempu, liu-liu iha tempu udan.
“Sira halo buat ruma, ita mos tenke hatene, liu-liu iha tempu ida agora ne’e udan ,ami tenke tau atensaun maximu no kontrola sira atu nune’e sira labele monu ba dezastre sira ne’ebe ita la espera,” nia hateten.
Tamba ne’e, husu ba sira ne’ebe hela iha mota ibun, tenke kontrola oan sira, la bele halimar iha mota, tanba bainhira udan bo’ot mota tun, ida ne’e perigu ba sira nia vida.

E-mail Subscription

Enter your email address:

    Poll

    Nothing found!

    Follow us on Twitter