Domingo, Fevereiro 18, 2018
Total visitors: 196199

Administrador posto administrativo nain Feto ho xefe suku Lahane Oriental organiza seminariu hodi hadame jovens husi aldeia Penal ho Temporal (Taibesi) ne’ebe durante ne’e odiu malu.

Postu Administrativu Nain Feto ho Xefe Suku Lahane Oriental realize seminariu hodi hadame jovens husi aldeia rua ne’ebe sempre provoka malu.

Administrador Tomas Alberto Braz hateten seminario ne’e ho objetivu atu hadame joventude husi aldeia rua ne’ebe mak halo konflitu iha fulan hirak liu ba hodi rezulta joven ida mate.
“Ohin sira mai para rona ita nia orador sira hato’o kona ba lei arte marisial ida ne’ebe mak ita labele halo, no ida ne’ebe mak ita halo, depois sira simu malu hodi dame,” nia hateten, iha Sede Suku Lahane Oriental, Dili
Nia dehan, Lahane Oriental ne’e hanesan risku mean tanba ne’e mak persiza halo seminariu ba aldeia rua ne’ebe mak antes ne’e kria konfiltu ba malu, maibe seminario ne’e aldeia posto penal la partisipa.
“Sira ne’ebe la partisipa ne’e laiha buat ida, tanba ita iha lei para atu regula, dalan puliku fo liberdade ba ema hotu inklui joven sira husi aldeia ida marka prezensa, se mak taka dalan nia hasoru malu ho Polisia,” nia hateten.
Nia informa, seminariu ida ne’e fo benefisiu tebes ba joventude hosi aldeia rua ne’e atu bele iha konesementu kona ba lei arma branka, maibe triste oituan tanba komunidade hosi aldeia penal la partisipa.
“Lolos inan-aman mak tenke iha responsabilidade tomak hodi fo moral ba oan sira, nune’e labele halo tan konflitu entre joventude sira, hau fo sala inan -aman tanba labarik foinsa’e sira ne’e la sala buat ida,” nia dehan
Nia dehan, iha suku Lahane Oriental ne’e grupu ne’ebe mak sempre halo provokasaun ba malu mak 77, Korka no SH, maibe depois lei arma branka sai buat hotu la’o diak ,no agora ne’e ida rua mak sei provoka malu.
“Husu ba joventude sira tenke rona inan-aman nian liafuan, labele halibur malu hodi ba hemu tua, no mos tenke partisipa iha aktividade igreja nian,” nia apela.
Enkuantu, Xefe Suku Lahane Oriental Trindade do Amaral Pinto Baptista hateten, seminariu ida ne’e ninia obketivu principal liu mak oinsa atu prevene konflito iha suku laran.
“Ita halo seminariu ne’e hodi esplika ba sira kona ba lei arma branka, lei arte marsias, no mos atu hadame joventude aldeia rua ne’ebe mak halo konfiltu foin dadauk akontese liu ba resulta joven ida mate,” nia hateten.
Nia afirma, iha loron 11 Dezembru nia tun ba aldeia Postu Penal halo aprosimasaun ba sira nune’e sira bele dame, maibe sira ladun fo resposta klaru.
“Hau hateten ba sira, katak vitima dala ida, labele vitima dalarua, no sira ne’ebe mate ho sira ne’ebe sai suspeito, lei sei buka tuir, maibe importante ba ita mak oinsa atu bele harmoniza fila fali aldeia no suku ne’e, e joven aldei rua bele dame tiha no prosesu judisiariu la’o nafatin,” nia hateten.
Iha loron Domingu (17/12) kontinua halo aprosimasaun, maibe sira aldeia Temporal aseita hodi tuir seminariu ida ne’e tanba sira hakarak dame.
“Aldeia Tempralho nia xefe aldeia no joven sira, aseita dame ne’e, no ami mos prepara akta de juramentu oinsa sira atu halo juramentu, maibe na realidade parte ida la mai,” nia deskontente.
Maske nune’e, nia dehan sei esforsu nafatin atu halibur joventude aldeia rua ne’e atu bele muda sira nia hanoin, oinsa sira bele simu malu fali ho diak.

E-mail Subscription

Enter your email address:

    Poll

    Nothing found!

    Follow us on Twitter