Domingo, Fevereiro 18, 2018
Total visitors: 196199

Xefe Sentru Saude Becora, Adelina Pinto hateten stok suplementu nutrisaun hanesan planpinut no Planpysup sufsiente hela atu fo tratamentu ba labarik sira ne’ebe ho kondisaun malnurtisaun moderadu no grave.

Stok suplementu nutrisaun iha Sentru Saude Becora sufsiente hela hodi fo atendementu ba labarik ho kondisuan malnutrisaun.

Enkuantu dadus tinan 2017 hatudu, katak Sentru Saude Becora konsege identifika labarik ho idade tinan lima mai kraik hamutuk 550 mak sofre malnutrisaun moderadu no grave.
Nia dehan, husi numeru ne’e sira barak mak rekoopera bainhira konsumu aihan suplementu nutrisaun ne’ebe pesoal saude sira distribui.
Alende fo tratamentu, nia dehan sira mos fo edukasaun promosaun saude ba inan sira liu husi atividade demostrasaun tein aihan local ne’ebe realiza iha postu Servisu Integradu Saude Comunitaria (SISCa) kada fulan.
“Ita barak mak iha konesementu no sira komprende, maibe ita labele garantia sira fila ba uma halo tuir saida mak ita hanorin ba sira ga la’e, tanba fila fali ba iha rendimentu ne’ebe sira hetan,” nia hateten, iha servisu fatin Becora, Dili.
Nia hatutan, iha fator barak mak kontribui ba iha problema malnutrisaun tanba ne’e presiza intervensaun ne’ebe multisector.
Nia informa, la’os deit labarik sira maibe inan isin rua no inan fo susu barak mos sofre kondisaun ida ne’e, tanba sira labele asesu hahan ne’ebe iha balansu nutrisaun.
Portantu Dadus Timor –Leste Food and Nutrision Survey 2013, hatudu labarik tinan lima mai kraik hamutuk 50,2% mak sofre malnutrisaun ho tipu raes badak.
Entretantu, responsavel Klinika Bairo-Pite (KBP) Doutor Daniel Murphy hateten presiza fo edukasaun ba familia sira, atu bele redus taxa malnutrisaun iha rai laran.
Nia sente triste, haree labarik sira ne’ebe konsulta iha klinika tanba sira sofre malnutrisaun ida ne’ebe grave.
“Papel ita bo’ot sira nian (media) atu halo sosializasaun, atu ema bele hatene labarik liman ki’ik, isin laiha ne’e la’os normal,” nia hateten.
Iha oportunidade ne’e, nia husu inan sira atu fo susu esklusivu ba oan durante fulan neen, depois kontinua fo susu no akompanha ho hahan ne’ebe iha balansu nutrisaun ba labarik.
Nia mos husu, inan sira atu labele fo sasoro tanan deit ba labarik sira, maibe sasoro kahur ho aihan local sira ne’ebe iha valor nutirsaun protein, gordura, karbon hidratu no vitamina.

E-mail Subscription

Enter your email address:

    Poll

    Nothing found!

    Follow us on Twitter