Segunda, Fevereiro 19, 2018
Total visitors: 196285

Ba tinan 2018 ne’e sentru formasaun lian Korea munisipiu Dili simu deit joventude 1000, tanba iha munisipiu hat seluk mos loke formasaun hanesan e tinan ne’e sei rekruta jovens nain 2500.

Tinan ida ne’e husi munisipiu Dili, rekruta deit jovens 1000 ba tuir kursu lian Korea, enkuantu husi munisipiu hat seluk nain 500 kada munisipiu.

Xefe Departementu Empregu Esterior iha Sekretariadu Estadu Joventude Trabalhu, Belarmino da Cruz hateten munisipiu haat alende Dili mak hanesan Maliana, Suai, Baucau no Lospalos.
“Tuir ami nia planu annual, iha tinan ne’e total alunus atu tuir formasaun lian Korea ne’e hamutuk 2500 inklui mos husi Dili,” nia hateten, iha Dili.
Nia hateten, prosesu registu agora la’o hela tanba numeru 1000 ne’e seidauk atinji. E data base hotu konsentra iha Kaikoli hodi prevene sistema nepotismu no sira ne’ebe ba registu tenke iha karte evidensia husi SEJT.
“Ho ida ne’e ita bele redus numeru dezempregu iha rai laran, kapasita no prepara sira ba merkadu trabalhu,” nia nia hateten.
Kona ba kouta hira mak governu Korea presiza iha tinan ida ne’e, nia dehan seidauk hatene tanba seidauk haruka mai.
Enkuantu, total Timor oan ne’ebe daduan ne’e servisu iha Korea du Sul hamutuk 2887, sira ne’e servisu iha area peskas, fabrika inklui agrikultura nian.
Entretantu Prezidente Alumni Parlamento Foinsae Timor-Leste (PFTL), Zaulino Gomes da Silva hateten joven barak mak antuziasmu tebes atu tuir kursu lian Korea ne’e, hodi sira bele ba servisu iha Korea du Sul.
“Ita haree situasaun ne’e, liu-liu ita nia joven sira hanesan ohin dader ita hotu haree katak sira barak mak mai asesu informasaun kona ba kursu lian Korea ne’e,” nia hateten.
Nia hateten, jovens balun lakohi kontinua sira nia estudu iha Ensino Superior e sira hakarak tuir deit kursu ida ne’e, tanba sira hakarak buka uluk osan hodi hadia moris.
“Governo presiza kria maneira de atendimento ida ke diak, atu nune’e ema hotu bele asesu, la’os iha nivel nasional deit maibe iha lokal hotu,” nia sujere.

E-mail Subscription

Enter your email address:

    Poll

    Nothing found!

    Follow us on Twitter