Segunda, Fevereiro 19, 2018
Total visitors: 196285

Governu liu husi Ministerio Agrikultura e Peskas (MAP) servisu hamutuk ho Food and Agriculture of Organization (FAO) sei halo sensus agrikultura iha teritorio tomak, atu identifika dadus agrikultor lolos iha rai laran inklui ho rai potensialidade ne’ebe iha.

Govenru sei halo sensus kona ba agrikultura nian hodi hatene tuir ema nian hira mak sei ativu servisu iha natar no to’os.

Diretor Nasional Agrikultura, Hortikultura no Extensaun, Amaro Ximenes hateten sensus ne’e importante tebes tanba durante ne’e seidauk iha dadus ida lolos kona ba agrikultor ne’ebe ativu halo servisu to’os no natar.
Nia dehan, Sekretariadu Sensus Agrikultura estabelese ona no sistema kria ona inklui formatu sira produs ona, maibe seidauk hahu tanba orsamentu laiha.
“Lolos ami halo ona iha fulan Fevereiru ne’e iha munisipio hat, maibe labele halo tanba relasiona ho politika ne’ebe iha no orsamentu laiha atu hala’o,” nia hateten iha servisu fatin Comoro, Dili.
Nia hateten, bainhira situasaun politika los ona no governu la’o los ona, bele hahu halo sensus iha munisipio pilotu sira tanba agora ministerio funsiona ho orsamentu dua desimu ne’ebe la sufsiente atu halo programa sira ne’e.
Iha parte seluk, Diretor Ezekutivu Hametin Agrikultura Sustentavel Timor –Leste (HASATIL), Gil Boavida sujere ba governu atu realiza lalais planu ida ne’e, atu iha dadus no informasaun ne’ebe konkretu husi baze, bele sai matadalan ba governu hodi kria politika agrikultura ne’ebe bele koresponde duni ba iha problemas ne’ebe iha.
Tanba durante ne’e, nia hateten programa balun ne’ebe implementa la kona alvu ne’ebe iha, hanesan servisu distribuisaun fini ne’ebe sempre tarde ba iha agrikultor sira, asistensia teknika ne’ebe ladun asesivel ba iha agrikultor sira.
“Laiha orsamentu tanba situasaun politika, maibe importante tau planu ida ne’e hanesan prioridade, atu ita iha informasaun ne’ebe konkretu, labele uza peskiza agensia sira nian sai hanesan baze informasaun ne’e ladiak,” nia hateten
Nia mos, preokupa tanba Timor –Leste ne’ebe nafatin sai nasaun ne’ebe independensia intermus statutu deit, maibe moris liu –liu hahan nafatin dependensia ba nasaun seluk, tanba governu la fo prioridade atu dezenvolve setor potensial sira hanesan agrikultura no turismu.

E-mail Subscription

Enter your email address:

    Poll

    Nothing found!

    Follow us on Twitter