Organizasaun Naun Governamental (ONG) internasional Caritas Australia realiza treinamentu Treinu sai Treinador (TOT) ho tema Peace Building/Community and Family Violence Prevention ba parseiru ki’ik hat Organizasaun Sosiedade Sivil (OSS) atu kapasita sira sai treinador hodi bele ajuda Caritas habelar informasaun iha rai laran konaba Direitu umanu, Direitu Feto, Igualidade Jeneru no prevensaun Violasaun Seksual tanba komunidade iha area rurais falta koinesementu ba topiku sira ne’e.
“Ami fo TOT ba sira hodi bele kapasita sira oinsa parseiru sira ne’e sai treinador no ajuda ami habelar informasaun ba komunidade ne’ebe iha sira nia area servisu liu-liu konaba direitu Feto, Direitu Umanu, Igualidade Jeneru no prevensaun violasaun seksual hodi bele hamenus violasaun seksual no diskriminasaun ba feto,” hateten Team Leader no mos Treinador Carolino Gonzaga Marques, semana kotuk (19/10), iha Ex Seminario Dare, Dili.

Leia mais...

Tuir Prezidenti Konselho Nasional Joventude Timor-Leste (CNTL), Leovigildo da C. Hornai, organizasaun massa joventude, estudante sira, Komite 12 Novembru, governu inklui relijioso hotu buka kordena saida mak sira sei halao ato partisipa iha seriomina hanoin fila hika tinan 20 desde massacre semiterio Santa Cruz iha 1991.
Loron 12 Novembro mos desde independensia Timor-Leste selebra nudar loron Joventude Timor-Leste nian.
Vise Prezidente Komite 12 Novembro, Rogerio Castro, hateten loron ne’e loron Nasional ba Joventude nia esperitu ho nia valor no principiu sira ne’e foti husi masakre 12 de Novembru.

Leia mais...

Ignoransia mak halo ema moris ho disabilidade hetan tratamentu oin seluk hosi sira ne’ebe sosiedade hanoin ne’e mak ema normal.
Iha Timor-Leste, labarik no joven moris ho disabilidade tilun diuk sira nia moris bele hetan dezafius oin-oin deit, la os tanba sira bele halo buat hout emal ho abilidade bele halo, maibe tanba sira tilun diuk sosiedade hanoin katak sira la bele halo hanesan, liu liu kona ba assessu ba edukasaun ho kualidade.

Leia mais...

Desde 2007 to’o ohin loron hamutuk graduadus 142.772 mak remata sira nia Kursu Alfabetizasaun ne’ebe promove hosi Diresaun Nasional Ensinu Baziku, Ministerio Educasaun (ME).
Tuir Xefe do Departamento de Alfabetizacao e Ensino a Distancia, Fernanda Gonzaga Rebelo, kursu ne’e halo liu hosi koperasaun ho Governo Cuba hahu hosi I Governo Kontiuisional maske koperasaun bilateral hahu iha 2007.
Xefe Rebelo haktuir katak distritus tolu mak deklara ona livre hosi analfabetismu: Subdistritu Atauro, Oe-cusse no Latuen.

Leia mais...