Domingo, Janeiro 21, 2018
Total visitors: 192680

Aktivista direitus humanus, João Soares R. Pequinho, konsidera governu Timor –Leste faila implementa rekomendasaun Committee on the Rights of the Child (CRC) kona ba direitu labarik iha rai laran, intermus legislasaun no asistensia social.

Nia dehan, iha 2007 estado Timor –Leste hato’o relatorio inisiu ba CRC iha Jenebra, hamutuk 48 rekomendasaun jeral iha setor hotu, ne’ebe hanesan matadalan ba governu hodi dezenvolve politika kona ba situasaun labarik iha rai laran.

“Iha setor justisa mamuk intermus legislasaun, setor edukasaun kontinua menus fasilidade, infrastruktura, profesores, enkuantu iha setor saude malnutrisaun kontinua as, mortalidade infantil as,” Aktivista Direitus Humanus, Pequinho kestiona, iha Tower Fatuhada, Dili.

Nia hatutan, CRC rekomenda ba estadu TL atu hare lalais lacunas sira iha legilasaun sira, kria lei espesifiku ne’ebe fo protesaun ba labarik sira, hanesan lei kodigu labarik, lei justisa juvenile no prepara  autoridade judicial ba asuntu labarik.

Aktivista ne’e mos prekupa ho estatutu Komisaun Nasional Direitu Labarik (KNDL) ne’ebe to’o oras ne’e governu seidauk difini lolos,hodi fo impaktu ba servisu KNDL nian fo protesaun ba labarik, intervensaun governu liga ho orsamentu jeral do estado.

“Ministerio Justisa seidauk defini estatutu autonom, entaun labele halo investigasaun ba kazu violasaun ne’ebe involve profesores no labele halo intervensaun ba ministerio sira liga ba orsamentu,” nia preokupa.

Entretantu Koordenador Programa Protesaun Labarik Forum Tau Matan, Honorio Almeida konkorda katak governu faila responde ba preokupasaun sira ne’ebe committee hato’o.

“Governu laiha seriedade ba asuntu labarik, tanba tinan lima ona lei justisa juvenil no kodigu labarik seidauk, labarik kontinua tur iha rai tuir prosesu aprendizajen, malnutrisaun nafatin as, no trabalho infantil,” nia dehan.

Iha parte seluk, Vise Ministru Justisa, Ivo Valente rekonese, katak governu seidauk hakonu direitu labarik sira 100%, maibe konsege halo ona buat balun ne’ebe sei iha prosesu nia laran.

Nudar membru CRC, nia dehan, governu iha komitmentu no obrigasaun atu hare preokupasoens hirak ne’ebe committee hato’o hodi responde ba situasaun labarik sira iha rai laran.

“Lei justisa juvenil no kodigu labarik iha ona Parlamentu Nasional, hein diskute no aprova no governu mos iha ona planu atu harii sentru detensaun ba labarik sira ne’ebe konflitu ho lei konstrusaun hahu tinan oin,” Vise Ministru Valente dehan.

  • Qua
    Jan
    17
    2018
    Rejiaun Sudeste Aziátiku Deklara Livre Husi Moras Polio
    Nasaun 11 inklui Timor –Leste ne’ebe tama iha Rejiaun Sudeste Aziatiku deklara sira livre ona husi moras polio, tanba laiha ona kazu ne’ebe registu, maibe moras seluk hanesan sarampu no rubella sai na...
  • Qua
    Jan
    17
    2018
    Polisia Iha Ekipa 4 Halo Pasa Revista Ba Rodaviario
    Komando Polisia Munisipiu Dili iha ekipa hat (4) mak hala’o pasa revista ba seguransa roda viaria nian iha capital Dili. Iha ekipa hat Polisia Munisipiu Dili nian mak hala’o pasa revista ba seguran...
  • Qua
    Jan
    17
    2018
    FM: Polisia Militar Labele Detein Ema Sivil
    Diretor Ezekutivu Fundasaun Mahein (FM), Nelson Belo hateten Polisia Militar (PM) labele detein ema sivil sira ne’ebe mak iha kazu agresaun fizika ou kazu krimal ka saida deit, ne’e kompetensia tomak ...
  • Qua
    Jan
    17
    2018
    Nain Ida Mate no Lima Seluk Kanek Durante Natal - Tinan Foun
    Iha ema nain lima mak hetan kanek no nain ida mate husi asidente trafiku ne’ebe akontese durante feriadu loron bo’ot Natal ho tinan foun. Durante loron bo’ot natal ho tinan foun, iha ema nain ida m...
  • Qua
    Jan
    17
    2018
    Polisia Prende Motor Kanu Resin Neen
    Komando Polisia Munisipiu Dili konsege prende motor ho kanu resin neen (6) hafoin tama ba tinan foun 2018 (hahu dia 01 to’o agora), tanba halo barulhu iha sidade laran. Komando Polisia Munisipiu ko...

E-mail Subscription

Enter your email address:

    Poll

    Nothing found!

    Follow us on Twitter