Domingo, Outubro 22, 2017
Total visitors: 184911

Ministerio Petroleo e Recursos Minerais (MPRM) deside hapara bolseirus 24 (2009 to’0 2013) ne’ebe durante ne’e hala’o estudus iha nasaun Indonezia no Australia, tanba notas ladiak.

Responsavel Programa Bolsu Estudu MPRM, Ana Lucinda, hateten bolseirus sira tenke kumpri regras ne’ebe iha, hanesan tenke tuir lisaun full time, la komete krimi, labele simu tan bolsu estudu husi fatin seluk inklui kumpri regras universidade nian.

“Ami hapara ho razaun sira laiha komitmentu atu aprende buat ruma, baruk ten, semana rua no tolu la ativu iha eskola, entaun sira la hetan material, ikus mai notas ladiak,” Responsavel Lucinda hateten, hafoin partisipa seminario ne’ebe realize husi Ministerio Petroleo e Rekursu Minerais, iha Hotel Ramelau, Aimutin, Dili.

Alem de ne’e nia dehan, sira mos simu rekomendasaun balun husi universitadade ne’ebe bolseiru sira hala’o estudu ba, katak durante sira tuir prosesu aprendizajen, sira la hatudu komitmentu atu aprende.

Bolseirus 24 ne’e sira hasai estudu kona ba engineiru petroleum, petroleum geosciences, engineiru kimia, geografia, geologia, geofisika, geometika, geodesi no ambiente iha Univesidade Gajah Mada-Jogjakarta, Universidade Padjajaran-Bandung, Universidade Veteran-Jogjakarta iha Indonezia.

Balun nia dehan, iha Universidade New South Wales, Universidade New Castle, Universidade Adelaide, Universidade Western Australia no Curtin University of Technology  iha Australia.

Iha parte seluk, Martinho Pinto, nudar jovens kongratula no konkorda ho desizaun husi MPRM hodi hapara bolseiru sira ne’e, tanba la kumpri regras ne’ebe iha.

“Hau hanoin ida ne’e intervensaun ne’ebe positive tebes no bele sai ezemplu ba ministerio sira seluk atu banati tuir, ita labele gasta osan ba ema ne’ebe laiha komitmentu atu aprende buat ruma, sei iha ema barak mak hakarak aprende,” nia apoia.

Nia mos sujere ba MPRM, katak bainhira atu rekruta sai bolseirus tenke halo selesaun ne’ebe klaru, labele hare deit valor maibe tenke iha komitmentu.

Entretantu Ministru Petrolium e Rekursu Minerais, Alfredo Pires rekonese no konsidera ida ne’e hanesan dezafius ne’ebe ministerio hasoru, promete sei hadia iha future.

Nia dehan, Timor –Leste presiza tebes peritu ba area espesifiku sira ne’ebe relasiona ho riku soin Timor –Leste nian.

E-mail Subscription

Enter your email address:

    Poll

    Nothing found!

    Follow us on Twitter